化肥

近日諗幾時化肥好呢？投資為左要有高增值，但同時間亦應該要考慮安全因素，因此都維持現時之投資策略，係黎緊既反彈市裏面會放左化肥，等到回落時再作考慮吸納。時機將會考慮1)恆指去到咩位，係咪到左d人諗住佢唔會繼續升，但點知佢又繼續升下升下咁，仲有A股係咪亦處於反彈市狀態，A股之反彈應更為凌厲 2) 整體大市氣氛，上升既氣氛係咪令到散戶蠢蠢欲動想入市，以為牛市未完或者企圖想繼續博反彈市既人會係度介入 3) 睇返化肥既技術指標作為參考，50同200天線既距離，股價接近保歷加通道上限，MACD升返上0以上，RSI上返80。情願賺少d，都唔好為左一時既貪念而唔捨得放，記住唔好嘗試摸頂，尤其係反彈市，等佢熊三跌返落黎再買，果時買就會比而家更安全。

林森池教大家分析

呢個係林森池教大家的，copy過來等我自己記低
問： 利用PEG估值的限制?
答： PEG估值很適合941，但不適合週期性行業例如388。也不適合地產股(項目盈利入帳時間相距遠)，資源股，銀行股，保險股(因銀行帳目內有投資及物業重估收益)。適合工業股，公用股(不受國家政策影響的情況下)，電信股，高科技股。

問： 對於941，會否建議$160賣出，等$130買番?
答： 不建議。睇數據：
07 Q1 賺 175 億，比06年同期+22%
07 Q2 賺 203 億，比06年同期+28%07
Q3 賺 219 億，比06年同期+37% 上客速度增快07
Q4估計賺 243 億，比06年同期+10% (估計公司會用推廣費等等隱藏盈利)
07年估計賺 840 億，每股賺RMB4.2，兌HKD+5%，所以:
$4.2 x 1.05 = $4.46 ~ $4.5
08年賺多28%即RMB5.43，兌HKD+7%，所以:
$5.43 x 1.07 = $6.17
09年賺多28%即RMB6.95，兌HKD+8%，所以:
$6.95 x 1.08 = $8.58 ~ $8.6P/E = 28
07年：$4.4 x 28 = $125 (所以跌極都跌唔過)
08年：$6.17 x 28 = $173
09年：$8.6 x 28 = $240
再睇派息比率：45%
07年：RMB2 即 $2.1
08年：RMB2.4 即 $2.7

悲觀估值：
假定 08年賺多25%，人民幣只升+5%
假定 09年賺多22%，人民幣只升+5%
07年：$4.46
08年：$5.9 x 25 P/E = $147
09年：$7.55 x 22 P/E = $167

跌市入貨原則
頂和底都係估不到的。千里馬，跌市要分段吸納，2628由$38買到$28，分10次入，平均$33，而家係坐艇，但坐得安心，因為知道其價值。要留意回報率，唔好高追，假如$50買，升到$100，只係double(如4年內達到，複式回報增長20幾%)，但假如$33買，升到$100，係3倍 (如4年內達到，複式回報增長32幾%)。再者，$500000本金，$50買搏升到$100，只可買10000股，$33買可以買15000股。
心態係，千里馬千萬不要放走，另外還要養肥佢，逢跌加碼。

預測

期待已久既反彈市會唔會就黎開始呢? 6蚊買入化肥之後就係度等待呢一個反彈市，上星期五同埋昨晚美股升，再加上九哥當選，今日恆指大升1300點!!! 上返22000樓上，我期待既反彈市係彈返上25000-28000，之後係呢個時候就放左化肥，反彈市好吸引，令到好多人想買上落區間，但其實同我當年玩外匯一樣，當你有d斬獲而繼續玩既時候，你就會發現上左當，因為區間上落好容易哄你係你以為係支持位既地方入貨，但係偏偏係呢個時候你就中招，因為你唔發現原來個區間其實係向下移，咁樣你以為係支持位既地方買貨，而個區間就向下移，咁你所買既貨咪即係變左蟹貨區，你所一直相信既支持位就變成你既阻力位！於是乎，你又只可以慨嘆一下無情既人生！所以放左化肥之後都係先撤離股市，然後默默揀股，等待熊二上落市過去之後既熊三來臨，係果個時候就掃我既心水股。呢個應該係我今年玩股入市策略。不過我係天生有些少賭徒既特質，所以唔排除有一日我覺得個反彈市真係好吸引，又可能少少地參與~haha!!!

次按危機要撥備既都撥喇，要出業績既又差唔多要出，而且可能市場好快就會發現次按影響唔係想像中咁大，不過仲有既隱憂可能就係 A股，美國樓市，美匯同黃金。A股呢幾日不斷咁跌，即使美市升，港市升，A股跌勢未止，拖住港股後腳，A股股民未經歷過股災，佢地既行為會令到將來A股暴跌時更加過度跌深，因此唔好忽略A股暴跌之後探黎既影響力，A股仲未狂瀉之時，熊市係唔會過去。次按所影響既仲有樓市，假若美國政府唔能夠成功禁住樓市，呢個會直接影響美國人民信心。大家仲要小心既係美匯，美元跌左咁耐，我既感覺令我覺得要蘊釀緊一個較大既反彈，金價呢幾日亦都先行回落，美元止跌回升後雖然可能只係一雯那，不過都唔好睇少~總知就係變數多~大家記住小心為上!!!

策略

呢排個市受次按影響極嚴重，大行紛紛進行撥備，d人亦覺得將會有更多撥備進行，但查實是否那麼多壞賬? 又是否需要撥備咁多? 其實好多撥備都由於會計制度所致，要提出最高撥備，而且有撥多又一定無錯，但當雨天過後，發現次按可能被誇大的話，到時回撥亦會相應較大，到時會變相成為盈利大增。而且現在多隻股都極度被質低，建議買一d財務穩建，係次按過後能訊速回身既股份，呢個時候買呢類股份將會成為極大既增值機會，將來你只會後悔無買到，好似花旗咁，如果你買得到的話，有咩理由唔買！！！

好多會都擔心跌市，原因可能係因為大家都食開d大閘蟹，d脂肪生左出黎又減唔走，於是咪想個市跌，市跌代表d資產縮水，忍唔住既就沽左佢，見市跌又唔敢再入，因為驚唔知佢會幾時再跌，未沽果d人入市慾望又會降低，因為想睇定一d先再做決定，不過係呢個時候，作為長期投資的確係好的入市時機，我地永遠唔知下一刻發生咩事，因此如果你發現有優質股被質低，抵買的話，就應該盡量買入，否則可能就係下一刻彈返上去，你回望就會發現你自己當初無買到，而感慨人生，其原則係，你唔知個市一陣會係點，而你買既超值貨最多都只係賺少左(因為未能係最低買)，但係撈抵或者打算以最低買入者，大部份只係幸運所致，作為長期投資者，你見到個價位靚就可以入，或者如果你有本，你可以分幾注買入，咁樣你可以拉穩價位。建議都係係呢段時間快d揀一d價值被低估既股份，因為之後佢既回彈將會係極之吸引！！！

今次老曹話有三個策略玩法：1) 逢高沽, 2)揀選被過份質低有價值既二三線股，博其反彈, 3)上下格局做買賣，即高沽低渣策略，但請注意，此乃極專業行為，分分鐘你既短炒變中長線！請自重！老公公今年策略將會係第二種，揀選過份被質低之股份作投資對象，忽視其短線波幅，以價值作基準選取，咁樣係最安全同穩健方法，等待股價跌入安全範圍後購買。大家請記住，每年仲會有一次最好的入貨點同埋出貨點。

係度同大家分享一下入市前必睇策略: 1) set好目標買入價，唔好因為價位升跌而影響心態 2)耐心等待，除非係到價，否則唔好見回升而心急買貨 3)追隨趨勢，而非走勢 4)寧買當頭起，莫買當頭跌，意思係上一浪潮的最大升幅已經升左，再買既利潤亦有限，所以寧願買下一浪趨勢的股票，博取最大利潤升幅 5)切忌撈抵，因為你唔係專業投資者 ，到價就買，你永遠唔知下一秒會係點 6)買一d價值被質低，該股理應為保守力高的股份 7) 你要知道你自己係度做緊乜野(長短線!?)

中國自動化 569

今次為大家推介既呢一隻股份叫做中國自動化，佢係去年2007年年中上市的一間公司，等我為大家介紹一下呢間公司的基本資料。自動化係就關於安全及緊急控制系統提供商，其中涉及行業包括石化、油氣、鐵路。根據調查所得，2006年中國共有十間此類提供商，而自動化以收益計共佔了市場68%，第二及三位分別只佔8及7%，因此可看到其在中國之壟斷地位，而且此行業理應為高門檻行業，皆因需要高技術而且為國際認可，並非新進入之公司所能匹敵，唯一擔憂的是外國公司進入，自動化由於係龍頭大哥，因此議價能力極強，而且做安全系統，公司會傾向幫襯大公司及龍頭購買，所以做開有個勢，品牌理應良好。就連中石化及中石海亦都係佢既客戶。公司主要負責的系統為ESD, FGS, ITCC, RIS(暫時唔講呢d係乜，我對佢地既理解亦有限)，公司收入內源來自三種，包括系統銷售、工程及保養服務、買賣設備。公司安裝安全系列主要有兩個途徑，一個係透過直銷商(25%)，第二個則係類似自動化呢類既公司(75%)，不過由於每間公司既需要都唔同，同一個系統亦需要對應調較，所以多數都會搵自動化公司分銷，因為會有較佳既調整同埋售後服務，亦因為咁，可以同公司建立長期關係。

公司最新的業績係至07年6月，而係08年4月9日將會公佈2007年全年業績，最耐資料去到04年。
營業額由04年165,370k升至06年289,037k，年複合增長為32.21%。
毛利率亦很高，06年毛利為124,107k，毛利率達42.9%，6/07年毛利率則有53
邊際利潤率，係06年則是23.69%，6/07是27.47%。


每股盈利
每股盈利增長極佳，04年6.53仙，05年8.39仙，06年12.09仙，年複合增長為36.07%。
若以每股盈利增長率為36%計算，預期07年每股盈利為16.44，而其6/07業績則顯示每股盈利為8.04仙，半年差不多剛好一半盈利，增長率極度驚人！


股本回報率 ROE
04,05,06年純利及股東權益分別為
　　　04　　　　05　　　　06
純利：35,291　　45,330　　68,471
權益：70,988 115,726 145,647
ROE: 0.4971 0.3917 0.4701
ROE經常保持係較高既水平，代表股東每一分錢亦可以得到較大既回報，投資價值大。


市盈增長率PEG
現價為2.13
PEG=price/(expected E/S x growth)= 2.13/(0.1644 x 36)= 0.3599
potential rise=178%
若保守d計，E/S=0.15, growth=30,
PEG=0.4733
potential rise=111%
無論點計，現價都係非常之吸引！係一隻發展潛力強，表現又極穩定，值得長期持有及加貨之列，係我手頭上數字上最靚的一隻。各位有興趣不妨入一手，4000股一手。4月9號將會公佈07年全年業績，大家可留意留意！


PS: 公司於上市後曾經配股收購業務，股份由600,000,000增加至913,000,000，所以要留意其攤薄效應

中國水務 855

中國水務(855) 呢排跌到好低，係咁52週新低，所以拎佢黎做個例好，嘗試用下d式黎計下~
今日收市價2.03
已發行股份=1,239,384,220(截至1/08，多謝交易所提供)
純利=211,726,000
資產=1,284,297,000(截至3/07)，1,907,172,000(截至9/07，半年增長48.5%)

股本回報率=純利/資產
每股資產淨值NAV=資產/股份

方法一: (以NAV同計算)
以9/07比率計，股本回報率=11.1%

If asset 全年增長70%，asset=2,183,304,900
nav=1.76
合理價=1.76x1.11=1.936
P/B=2.03/1.936=1.05

If asset 全年增長80%，asset=2,311,734,600
nav=1.87
合理價=1.87x1.11=2.0757
P/B=2.03/2.0757 =0.978
potential rise=2.2%

If asset 全年增長90%，asset=2,440,164,300
nav=1.97
合理價=1.97x1.11=2.1867
P/B=2.03/2.1867=0.928
potential rise=7.7%

方法二:(以盈利增長率PEG計算)
9/07中期每股盈利(E/S)=0.1736
假設每年增長率為10%

假設全年E/S=0.25
PEG=price/(E/S x growth)=2.03/(0.25 x 10)= 0.812
年增長率10%，PEG應為1倍，因此:
potential rise= (1-0.812)/0.812= 23.15%
for P/E=10, 合理價= 2.5

假設全年E/S=0.3
PEG=2.03/(0.3 x 10)= 0.677
potential rise= (1- 0.677)/0.677= 47.71%
for P/E=10, 合理價= 3
用呢種方法計算會出現一個頗大偏差，因為對上一個年度中國水務先係轉虧為盈，當時每股盈餘只係0.066，而半年後已經升至0.1736，所以他的1) 預期每股盈利而及2) 每年增長率亦只係估計，因此出現錯誤度較高。不過每年增長率10%已經係較保守，而參考上半年業績，每股盈利升至0.3亦非無可能，0.25則屬合理範圍內。因此，此計算方法亦有其參考價值。


P.S. 中國水務07-08年業績到期日為08年3月31日，大概要到六月底左右先會公佈業續
今日收市價雖為2.03，但係亦曾經急跌至1.75, 若以E/S=0.3, growth=10%計算，假若想一年100%回報，可等待至1.5吸納，不過此仍未計及手續費，此股一手為2000股，宜一次過購買兩至三手以上先至唔會蝕咁多手續費。頭先check下，發現原來大股東係18同19號不斷係2.1附近係咁掃貨，可見大股東睇得到自己公司增長能力，趁住個市跌係度掃貨！！！呢個舉動變相增加每名股東的利益。

人生第一股

今日我買左人生第一股呀~~~3月18日~318值得記念的一日~正式標誌住我成為一個初哥投資者~正式踏入股海~要操練成為一個有紀律既投資者~人生第一隻股就係中化化肥297~係六蚊買左一手~收市報6.05~終於係呢個blog有投資組合喇~~但願和大家一同成長~不過恆生d手續費真係好貴囉...~

飲恨的一天

今日好飲恨~皆因今日見到隻愛股化肥跌到最低6.05~之後係6.1x~已經諗住要入~login恆生搞轉帳~點知竟然話我唔夠錢~陰公~原來入支票係支票箱要兩個工作天先用得~咁中鐵建彈返張票上星期五先入~就係咁~有一日time lag!!! 勁陰功囉!!! 搞到我望住佢由6.1x 升到6.3x 再到6.4x!!!! 打去問人借錢買都無用啦~因為已經走左靚位喇~~白白見證一個絕佳入市位係我眼前經過~今次真係無天時~唉~要部置之後既策略~

投資十二守則

呢個都係出自投機的藝術，大家可作為參考

投機十二守則:
1)持有的證券不要少於十種，涵蓋的行業至少為五種
2)至少每半年重新評估持有的每一種證券
3)至少把一半以上的資金放在能產生固定收益的證券
4)分析任何股票時，把股息殖利率列為最不重要的考慮因素
5)迅速認賠，不要急於獲利了結
6)某些證券的資料不容易取得，或公佈時間不確定，這部分證券的投入資金絕對不能超過25%
7)對於「內線消息」，要像逃避瘟疫一樣，避之唯恐不及
8)勤於尋找事實，絕對不尋求建議
9)不理會評估證券的呆板公式
10)當股價處在高檔、利率攀升、景氣繁榮時，至少應該把一半的資金放在短期債券
11)儘量不要借錢，除非是股價處在低檔、利率低落或走低、景氣衰退
12)撥出適度比率的資金，購買前景良好公司的股票長期認股權

分析產業股因素

近排睇本書叫投機的藝術，呢本野都好舊，主要都係講1920-30年果時既美股，有d野好深~haha~所以有d部份唔係點詳睇，不過都有好多野得著，係度同大家分享一下~

分析產業股的重要因素:
一) 產業展望
　a)長期成長展望
　b)中期獲利展望
　　1)主要商品可能的價格波動
　　2)競爭狀況
二) 公司在業界的地位
　a) 和競爭者比較的相對規模
　b) 和競爭者比較的相對成長率
三) 公司狀況
　a)盈餘紀錄與趨勢
　b)營運資金部位與趨勢
　c)資本結構

近排同大家推介一兩隻最近留意到又覺得幾好的股仔，分別係297中化化肥，同埋3918金界，不過暫時仲未有足夠時間整理到所有資料，所以遲d先同大家講一講，主要會集中講297多d，隻金界可能未必有時間會講，因為呢隻係賭博股，同信仰背馳，所以未必會花咁多時間同心機睇，請各位多多包涵~