風險

剛睇完富爸爸系列的提早享受財富1~老公公覺得呢一本無之前兩本咁好~不過可能是因為作者要為提早享受財富2留下伏筆~所以先無將所有事情講得咁詳細~但在這本書亦可看到一些重要的知識~此乃對風險之認識~身邊的人都認為投資有風險~因此一d比較進取既投資亦都唔會參與~雖然我經常說~認清左風險~知道自己投資既野係咪適合就可以減低風險~但始終覺得唔可以講得好~睇完呢本書就知道風險為何~風險不在於該股票或者產品~在於投資者身上~投資者的學識經驗不足~才是導致風險產生~如果投資者有足夠的知識~知道每隻股票公司背後實況~選擇一間安全~穩妥的公司~咁樣就可以減低風險~但同時亦都要有好的計劃~以應付突如其來的事情~好似渣車咁~風險唔在於個"太"盤~而是駕駛者如何使用個盤~如果雙手都唔渣住個盤~炒車之日不遠矣~所以~只要當駕駛車~即為投資人~能夠洞察每間公司是否一間好既企業~便可以放心投資~但是要有咁既知識~就要各位付出時間~而呢樣野正係好多人唔想付出~老公公的朋友亦曾同我講佢好想學投資~知道投資好重要~但就唔知可以點學~老公公聽後心感不安~而家資訊發達~無咩可能搵唔到學投資的地方~只係有無或者願唔願意付出時間去學同埋搵資料~如果你是那些不太想俾時間學投資但係想投資既人的話~大可將你既金錢交托基金經理幫你打理~未嘗不可~不過要知道~揀基金都要先做功課~唔好盲目聽從各推介產品~各位朋友~好自為之~

年報報表

今日睇左我人生第一份年報報表~694既北京首都國際機場有限公司~
雖然都叫睇完~但只見到堆數字~都睇唔到有咩關鍵~希望可以逐漸明白當中每個數字的含意啦~

思考

學習思考是人生當中一個好重要的課程~雖然有好多人未必會建立自己的思考模式~的而且確~唔需要有一個個人獨立既思維模式亦可以活下去~但是要想作為一個投資者~建立一個思維模式就非常重要~否則就只會識得聽人地意見~無自己的分析能力~最後只能做到盲從附和或者只將人地既觀點當作自己的觀點~小弟而家就係有呢種問題~但要建立一個屬於自己的思考方法~一個好既分析能力又談何容易呢~但我地仍然要繼續係呢方面努力~各位加油~

亞視台慶

亞視台慶~本來以為會有幾厲害~點知做左個半鐘~都只係係度玩遊戲~是一個超低成本製作~但阿媽就睇到都幾開心~皆因入面既電視或者歌曲都係佢比較熟悉~呢個節目應該滿足唔到今時今日既人~不過咁低成本都可以睇到我媽開開心心~某程度上都成功~不過最終都應該睇市場~所以都是失敗~

陳水扁被屈

話說呢排陳水扁d屋企人都唔多掂~皆因佢地涉嫌炒股~但呢件事同陳水扁未必有關~但果班反扁黨就已經實行踩扁風波~好明顯呢一次係為左之後總統大選所造勢~阿扁的民望已經夠哂低~同布殊真是一模一樣~其實反扁黨應該都知道無足夠理據可以踩扁~只是同佢親屬有關~但都怪到佢頭上~可悲~不過反扁黨咁樣做其實都幾收政治之效~皆因的確可以踩多佢幾錢肉緊~雖然都知道阿扁下屆無得做~相信阿扁黨都應該無得做~不過有得踩~就當然踩到盡啦~政治正確~

話說前排有統計~睇am730知的~阿扁係上台六年~已經公開道欺達13次~大家都咪話唔佩服！

九九金再次跌穿六千~

呢幾日~金價一時上一時落~令人無所適從~但正因有波幅~投資者先有得玩~金價再跌落六千蚊樓下~乃本人期望入市之價~而且唔知可以維持在六千蚊樓下幾耐~但睇下其他人d分析or吹水~又話可以繼續調整喎~在金價圖上~我都睇唔出有咩技術分析可以睇到~除左睇移動平均線(moving average)~但睇平均線係而家個市度已經好似無乜作用~皆因市場已經被各投資者~投機者~同埋各基金所操縱~佢地想挾好友挾淡友~完全都唔雖然理會平均線既~只要有財力同一致就已經足夠~老曹話佢都睇金價目標最終一千~而且八百五十呢個位亦都被各位深信終會觸及~如果從呢個角度睇~其實呢個位入一入都好ok~對於我呢d非專業投資者~只要有得賺就可以~我亦無本事可以撈乜底~估乜底~只要是一個可以接受既水平買入~已經可以了~

PAAG

PAAG近來鬧得滿城風月~事緣此物料被發現有害~但好多整容手術亦會用到此物料~因此有不少美女亦慘遭不幸~前排一則新聞亦報導~有一女子在我們偉大既祖國接受手術~但手術過後三分鐘~即導致其雙眼永久失明~男朋友亦唔理佢！~此之謂要靚唔要命乎！？~在現今社會~瘦身已成為一眾女子的終身任務~商業機構為求賺錢~在廣告上大賣瘦身即是美~有d癡肥者~減肥當然好~但有d女仔瘦過一碌竹~仲去減肥？此乃嫌錢腥乎？~有錢就捐去慈善機構啦~查實好多減肥療程~瘦身產品~就算你耗盡家財~亦未必可以瘦到d乜~皆因人地有用~未必對你有用~而且瘦亦不等於美~如果我女朋友瘦到一碌竹~我都唔敢同佢行沙灘浪漫浪漫~事關我都驚佢俾風吹走！~從此一去不返矣~而家既女性似乎有d太著重外表~搞到個個都去整容~想靚本來唔係有乜野罪~皆因個個都想靚~但係整容又似乎不大需要~樣始終都係自己好~縱使你幾咁唔靚~但係始終都是自己~如果個個都整容~我又好想睇下到時全街既女仔都一樣樣時會變成點~

金價回落~

金價從73x高位跌到落昨日最低見過63x~今次的調整覆度暫有一百之多~金價在未來仲有得升~今次導致佢升的原因仲未被炒完~自從美元跌勢開始~金價就一路係咁升~長遠睇~美元仲有得跌~因此金價亦都會繼續升~只係因為之前的升幅太大~所以而家先會賣返出去~相信好快金價又會再升上~到時候大家又會後悔無買到~升左之後又可能患上畏高症~唔敢買~我唔係咩專業投資者~不過覺得而家先買少少地買d金~留定d子彈~如果金價繼續跌既話~就可以低位再買~好過而家一次過大手咁入~

老公公的退休生活

今日是老公公的第一日悠閒退休生活~~
我會在此不定期咁透露一下我的秘錄~
希望大家會鐘意~