福匯開戶

今日相約maggie一齊去福匯到開戶，估唔到都坐左接近一百人，不過好多都係白髮之士喎!? 呢個年紀仲炒匯? 危險嗎? 不過可能佢地真係多年經驗~勁人是也!!! 只係開戶仲未收通知，要收佢地通知之後再過錢俾fxcm先至可以開始玩，同埋我打算可能下星期換部電腦，咁可能等一切settle好先開波都唔出奇~ 一年目標計劃~ 今年7月開始到下年6月~兩萬變十萬!!!! gogogo!!!

跳空現象

呢個係一個eur 1 hr 圖，係上星期五獲利之後，歐元當晚衝唔落1.5300 好明顯係遇到重要阻力，相信呢個係將來既一個重要關卡，係美元展開升浪其中一個要破既位。星期五晚eur收返係三角形入面收市，到左星期一，eur出現跳空現象，產生左一個gap，之後可以見到eur 出現return move 回補返個gap去返條三角形的上線，之後再顯升勢。今次係一個幾好的學習機會，睇一睇出現gap時既表現。

炒匯之旅

eur/usd daily

eur/usd 1 hr

係11/6/2008晚做左個fx trade，係1.5570 short eur，1.5630止蝕，traget1.5370，目標係risk 60點食200點子，risk to profit ratio 3:1 做左兩個standard lot trade~結果好成功地係A點sell左兩手~當時最高亦只係1.5586~接近摸頂!? 危險動作，經專人訓練，小朋友勿試~去到第二日A至B點中間，曾經跌到落1.5376最低~但仲未hit到我既target價~所以無理會~但為左protect個trade~我係12號朝早改左止蝕位係1.5490~而係試完低位之後曾經試過高位係1.5480~險些俾人震盪出局~本來我係set1.5490~不過就係驚俾人震~所以移返高10點子~都有d運仔執~之後到左13號黃昏時間~eur hit B點~最後take左profit~每手賺200點，total係400點子~即係4000美金，但係扣返利息72厘~賺左3928美金~ 之後我黎個短炒賺返100美金~所以最好都可以好靚仔咁執左4000美金~真係高興~計返港元成三萬蚊~個acc連埋之前take既profit~而家已經由20,000美金升至25,000美金了!!!

相信我都就黎開返個真acc，實行一年內兩萬變十萬!!!

另外有個問題係我呢兩日諗緊既~呢期美元強勢~但假若油價爆升上150甚至200~究竟對美元會做成點樣既影響呢~ 呢點唔可以忽略~雖然我係圖表上認為歐元係應該回落，起碼我認為應該要回落返上升通道既底部先~不過估計都需時頗長，可能要成幾個月~甚至半年~咁樣的話如果係年底或者係2009年年初油價爆升的話~咁樣即係話美元既跌浪尚未完成，不過點都好，我都係認為美元係時候轉強~ 但係各炒匯之士都唔好忘記油價對美元既影響~當然仲有金價~