綜合戶口

今日終於走左去開返個恆生綜合戶口喇~因為grad之前申請呢個~可以免頭三年月費~咁著數既野~緊係即刻申請啦，當然跟我開埋股票、外匯、基金戶口啦~之後仲問下關於年金同醫療保險既野~傾左差唔多成個鐘~對佢個年金plan有d認識~不過仲有好多野要問，醫療保險就下次先啦。

對於佢呢個恆生既月薪退休保計劃，原意係好，不過要考慮既係放錢係呢度定係月供股票或者基金會抵過放係佢呢度呢??? 呢個真係要計一計先~呢條數我覺得計到自己有d亂...哈哈~

英磅

GBP/USD, 15mins

GBP/USD 15 mins

因為之前一個星期~應該係福匯轉左個platform~所以玩唔到外匯~而家dl左個新java~
先講返我係十八號晚做既一單先~
係第一個15分鐘圖，可以見到係一個細既下降軌道果度出現一個破位，破左個上升阻力線，而且佢下面既位係1.9700，係一個心理重大關口，所以應該會回彈，於是就係呢個破位set左盤1.9712係A點買英磅，睇返條近期第一阻力位係1.9736，我亦set左呢個位係我既止賺位，止蝕放係1.9695。

之後睇第二張15分鐘圖，英磅reach左B點1.9737之後就回一回落，呢個位正好係中左我既止賺位多一點，於是成功係呢個位獲利25點。不過可以見到英磅之後繼續升到去另一個阻力位C點1.9777左右先位落。

落盤原因：破左一個細既下降通道頂部，而且係低位1.9700彈上，有重大支持位。
風險：如果由日線圖睇，英磅係處於下降軌道，買英磅係逆市而行，不過可以當risk一risk，止蝕盤係呢度就好重要。
改良：可以下次考慮買入兩個盤，一個到價之後平倉獲利，另一個可以用trailing stop黎到賺potential帶黎既利潤。

英磅

GBP/USD, daily

GBP/USD, 15 mins

有兩個星期無睇外匯喇~昨晚掂一掂睇睇~
睇一睇個日線圖，英磅依然仲係下降通道，今次我仲係個圖加埋保歷加通道同埋ADI，而家英磅貼住保歷加通道下線，而係ADI，數字係20左右，代表住英磅仲係trading range，不過有少少向上升既跡象，要注意有機會大方向係trending down 而唔係trading range。

另外，係之前咁多個個阻力位畫左條線，呢條成為而家既support 1.9734，既然係咁，我就小試牛刀，係15分鐘圖既A點，係1.9742左右買入英磅，止蝕位係1.9700，double zero既心理support位置，目標價係risk 42既既兩倍，即係1.9826，係呢度畫唔返，其實呢個位係某個之前既support位。

之後英磅掂到B點之後就升唔到上去即係回落返，係呢個時候都知道自己已經有d中左招，但係未觸及止蝕位，所以未有take action，呢個trade 可能都已經失敗左，因為我應該要留意下係1.9826呢個位以下究竟仲有咩阻力位係度。

之後英磅亦衝上C點，之後又再回落，又圖表可以睇到呢個係另一個之前既阻力位。

英磅衝左兩次都過唔到呢兩個阻力位，而其實呢兩個阻力位應該唔係咁勁，不過都衝唔上，仲調頭向下急衝，可見英磅買盤真係幾弱下。

最後好衰唔衰，個英磅真係跌左落1.9696 day low!!! 咁就觸及我既止蝕盤，最後蝕左46點離場。大家睇下個圖之後仲可以發現，英磅掂完個1.9700心理關口之後就彈返上去。呢個位一破，應該又會將個trading range向下移。

落盤原因: 係日線圖既support位買英磅升，博其反彈。

失敗原因:

1) 係日線圖已經出現下降通道，無謂專反彈啦，應該趁高位沽英磅先係上策，呢個問題之前已經犯過幾次，睇黎我真係要克服下呢個問題！！！

2) set個目標價太高！！！係英磅弱勢之時，而又無數據公佈，應該逐個阻力位試上去，唔應該一開始set得太高，如果set第一個阻力位，咁就應該係賺左十幾點子。

3) 止蝕位應該被1.9700低少少，因為呢個係重要support，可以預期一掂就回升。(不過呢個比較難考慮，因為唔知幾時會破呢個位，如果再set落d，可能只會令自己蝕得更多)

855 中國水務之三

今次要同大家分享既係中國水務份2006-2007中期業績(截至九月三十日)。

營業額
　　　　　2006年3月　　2006年9 月
營業額　　　529萬　　　　617萬
毛利　　　　217萬　　　　336萬
毛利率 　　　41%　　　　　54%
純利　　　　-181萬　　　 349萬

毛利率升到54%，都咪話唔勁！
跟住睇埋純利正常仲勁，如果睇埋過往五年業績，你會發現佢過去五年從未賺過錢，去年中期業績都試過賺少少，但係都唔及今次中期業績係靚，終於有錢賺，佢仲係賺左39倍！中期都咁靚~全年業績都應該無執輸！佢今次中期業績既營業額已經多過去年年度，勁。睇黎係呢半年以黎收購既項目好搵錢。

現金
另外，再望一望會發現佢俾你上年度既現金又多左好多，係我既第一篇講過佢既流動資產/流動負債比率係2.27倍，但係而家已經升到去7.28倍！唔知係咪佢係度配股定係發行左可換股債券，所以咁多錢~不過亦因為呢條數~增加左佢既長期負債，資產/負債比率由36.1%升到49.7%，不過都尚算合理水平~而家中國水務仲係度擴穿緊，呢段時期係需要多d現金，到資產再升值時，負債比率自然下降，而且如果係可換股債券的話，係我認識裏面，應該唔會購成乜野威脅，唔知o岩唔o岩。

總括而言，我覺得中國水務既方向發展都幾好，尤其今年業績應該會幾靚~無論短線定長線都應該係選擇之列。投資呢間野要考慮既係
1)驚擴充過快
2)地區/政府政策轉變，如幾時加水費，加幾多?
3)管理層眼光，如投資係邊度?選擇收購邊間?
4)配股集資風險

855 中國水務之二

呢幾日繼續上網搵下關於中國水務既資料~結果發現好野~
http://www.rthk.org.hk/rthk/radio1/Moneyprogram/20070322.html
大家對呢隻股有興趣的話就一定要睇一睇呢篇野~

係呢篇野類面已經解答左一d我上一個post既問題~就係佢做既業務究竟係北定係南~睇完呢篇野之後可以更清楚管理層既發展方向~

曾 松 星 表 示 ， 東 西 北 地 區 不 在 併 購 首 選 之 列 ： 「 公 司 策 略 不 是 去 缺 水 的 地 區 ( 作 收 購 ) ， 亦 不 會 因 為 地 方 供 水 充 足 而 作 出 收 購 ， 主 要 考 慮 地 區 未 來 人 口 、 工 業 及 水 價 上 漲 的 幅 度 。 東 西 北 地 區 營 商 環 境 不 佳 ， 西 北 又 缺 水 ， 主 力 不 會 去 這 些 地 方 。 不 過 ， 如 果 即 時 提 供 高 回 報 的 項 目 都 可 以 考 慮 。 」

原來，佢地target既係未來有機會水價上漲既城市，而唔係做一d改善當地水資源問題~做呢門生意查實有幾大呢可以??? 值得一諗~呢個又提起另一個問題，如果係做改善水質問題，又可以做幾大呢??? 呢d問題我都唔係好識答~

而中國水務亦諗住每年收購4-5間水廠項目，會唔會太急進呢?? 呢個都係我擔心既地方~進取係好~不過都要協調度先得~中國水務都係轉型左無耐，雖然好似已經搵度一個正確方向~不過呢方面都係值得留意觀察~

另外，佢地對污水處理原來亦有保留~請睇睇以下一段野~

曾 松 星 解 釋 ， 日 後 只 會 在 已 經 有 供 水 業 務 的 地 方 ， 開 展 污 水 業 務 ﹕ 「 國 內 有 好 多 地 方 仍 然 未 收 取 污 水 處 理 費 ， 要 由 地 方 政 府 墊 支 ， 一 旦 當 地 政 府 陷 入 財 政 困 難 ， 我 們 就 會 收 不 到 錢 。 但 如 果 在 當 地 已 經 有 供 水 業 務 ， 我 們 ( 供 水 公 司 ) 就 會 代 政 府 向 客 戶 收 取 污 水 處 理 、 水 資 源 、 承 建 及 垃 圾 處 理 費 用 ， 之 後 交 還 政 府 ， 從 中 只 收 取 手 續 費 。 當 我 們 成 為 收 款 人 ， 如 果 政 府 不 向 我 們 的 污 水 處 理 廠 繳 交 費 用 ， 我 們 的 供 水 廠 可 以 扣 起 政 府 的 錢 ， 那 麼 對 污 水 處 理 費 的 回 收 就 有 了 保 障 。 」

睇完之後又令我了解更多~佢地投資既地方~應該要係一d有財力有實力兼有誠信既地區政府~如果唔係就即係玩自己~

呢位被訪仁兄亦有講下沙棘業務，佢唔講真係唔知呢本究竟係咩生意~真係多謝佢講下~睇完之後我覺得呢個沙棘業務都有佢既功用，因為係而家呢個咁等錢洗既時候，沙棘業務可以為佢地帶來現金，呢個業務仲居然可以佔佢地差不多三成，都咪話唔恐怖，希望中國水務可以盡快專注本業啦。

大家留意下呢篇野既最後~有位仁兄亦擔心中國水務透過收購黎壯大自己~好有機會成日配股~呢個都係我其中一個擔心既地方，用呢種方法集資唔係唔得，不過長遠黎講對隻股唔係咁好囉~

本來打算係同大家分析下佢去年報業績d資料，不過睇埋佢份中期業績，真係覺得無乜必要講去年份年報，因為睇份中期業績就會發現，同前一個年度已經完全唔同哂~下次再談~

855 中國水務之一

水行業係未來五年應該睇好既行業~此行業將會受惠於「十一．五」計劃，雖然我仲未搵到邊一part講話會利好水行業~不過咁多人講都應該係堅~遲d搵到係邊再同大家講~做好d功課之後dl左份中國水務既05-06年報黎睇下~唔知係咪太耐無接觸定係點~我覺得呢份年報難睇過之前睇果d~先此聲明~我真係唔係咁識得睇架渣~只係將我睇到或者疑問記下~ 仲有既就係~我呢篇野唔係寫好有結構同系統~可能會跳下跳下~希望各位見諒~

先講一講水資料既基本資料先~以下既資料都只係係中國水務份年報果度理解出黎~仲未同正式資料作對比~不過都應該真實架喇~
　　　人口　　水資源集中
北方　35%　　　13%
南方　63%　　　80%
另外，中國有13億人口，但就只有不到3億人係可用到飲用自來水。

中國面臨既水資源問題係~
1) 水資源分佈不均
2) 地表水下降
3) 用水效率低
4) 水源被污染
中國解決呢d問題既辦法有二~
1) 放寬行業限制，即引入競爭
2) 調高水價方式，即間接逼令市民及工廠減低或節制地用水

以我暫時既理解，水務營運商係中國係同地區官員合作的，所以如果你可以霸佔度一個地方既經營權~已經係邁向成功既一步，因為係中國經營水務統既地區專營優惠最高係可以去到30年，亦即係當有呢個地區專營優惠，就係代表你已經擁有壟斷呢個地區既水營運業務~不過唔知我呢個理解正唔正確~

知道左呢個中國水務既地區性模式之後~跟住就要知道究竟即係做度邊個區域係最好搵架呢???由一開始果個可以睇到~中國北方係比起南方缺水~因此，如果可以做到北方城市生意~可以預期應該係好搵的~我地就睇一睇中國水務佔據既城市究竟係邊~
中國水務既業務現集中於~係呢四個地方，供水人數約120萬人~
1) 廣東
2) 江西
3) 河南、河北
未來發展地方~
1) 山東
2) 上海
3) 新會
4) 麗江
5) 周口
6) 三亞
7) 富陽
8) 白銀市
根據佢份年報，佢已經同呢幾個地方訂立左初步協議~假若可以順利的話~
　　　　　　現在　　將來　　變化
供水人口　　120萬　 400萬 　333%
供水總量　　50萬　　240萬　 480%
使用量　　　18.5萬　 100萬　 540%
以上既大多數地方其實我都唔係好知係邊~haha~所以遲d要搵下究竟佢地係北方定係屬於南方~因為呢個都幾影響佢既利潤~

另外，中國水務既主要業務係
1) 提供供水
2) 污水處理服務
3) 向工業用戶及居民安裝水表及從事有關水務建造項目，增值服務
4) 沙棘高原聖果 (呢個奇怪，係去年買的，唔知點解會做左呢項工作，要留意同了解下)
中國水務之前曾做過電子業務~不過去年已經縮減左呢方面~而家主要都係做水務業務~
而中國水務既主要策略係收購同業~擴展業務~呢個策略係可行~因為咁樣係減低自己既對手，增加使用力量既方法~不過有幾點要留意~
1) 公司要夠錢多，先有得進行收購
2) 一下子擴充太快~要留意會唔會係管理上出現問題~因為不同公司本身有自己既一套做法~管理層是否有足夠能力去管理呢d唔同地方唔同公司既營運???
3) 每間公司要轉變時都要投入資金進行改變或轉型，就算俾你買左~夠唔夠錢就呢d野??
4) 買左之後要用幾耐時間先可以將呢d項目變為公司既收入來源?? 呢個會影響買入時機
5) 收購左咁多間之後~會唔會唔覺意咁增加左一d負債呢??
我既分析能力有限~但由以上問題，可以睇到一d野~呢間野成唔成功~似乎好睇管理層如何有效地進行收購戰~另外就係點樣搵到咁多錢? 管理層既問題係我呢個層次既分析應該就睇唔到架喇~至於第二點~從佢份年報睇中~似乎佢都係以配股方式集資~佢係2005年4月4日~2006年1月19日~3月16日~都同佢既公司股東Asset Full Resources Limited (AFRL)配股集資~亦因為呢一連串既集資~令到中國水務既現金激增~由呢點可以睇得出~管理層真係諗住不斷進行收購擴充自己~
　　　　　　　2005　　2006
流動比率　　　0.8倍　　2.27倍
資本負債比率　61.9%　 36.1%
用以上既流動比率可以睇到中國水務留左好多彈藥俾自己~亦因為多左錢~所以資本負債比率亦可以拖低~

係呢度要拉開少少講，其實做水務事業有好多唔同範圍~有供水~污水處理~海水化淡等等~以係以上各項目亦有不同既方法處理~而係將來應該從事邊方面先係發達~亦係好重要既因素~如果唔係就會變成睇o岩個市~但係用錯方法~到時就真係...唏噓~

而係去年~中國水務既兩間供水項目~新余市經營供水之合營企業~同埋~廣東仁化供水項目~都好似已經可以修成正果~所以管理層亦諗住將之後既供水模式都係用呢兩間既方式~因此~想知道呢間野有無投資價值~要研究下呢種供水模式可唔可行同搵到幾多錢~就變得好值得關注~因為呢種模式就係成盤生意既命脈喇~

今日寫住咁多先~總括而言~想要處理既問題係~
1) 中國水務既業務覆蓋地方係北定係南~
2) 佢既供水同廢水處理項目係有得做???係用緊咩技術???成本效益係幾多? 再深入d係睇新余市同埋仁化模式既供水系統模式係可行既辦法??
3) 佢而家儲左咁多錢~究竟最後會點樣處置? 好值得關注~
4) 管理層係有能之士?? (唔知點睇...)

另外~講一講投資水業有咩要注意~
1) 政治政策因素~例如收取排污費費用~水費等等
2) 天氣因素，投資地區無雨落咁點算
3) 技術標準

之後有時間既話~等我再同各位講一下中國水務入面條數啦~

搞完一輪功課喇~呢排有返d空~見d報紙成日有果d幾錢幾錢投資組合~前幾日就諗~不如都係呢度整返個呀~雖然自己唔係叻~不過都可以試一試o者~當係玩下都好呀~詳情稍後公佈~haha

又是英磅

GBP/USD, daily

GBP/USD, 15mins

大家請睇下15分鐘圖~呢個可以回應到我昨晚最後既問題~見到既小小趨勢格局~最後又真係升左一升~不過去到高位之後就穿返呢個微弱既支持位~最後跌返落黎~今晚成晚都無乜野好trade~見唔到有任何trend~才疏學淺既我今晚就休息下~無做任何買賣喇~

英磅

GBP/USD, daily

GBP/USD, 15mins

今日又做多單交易~不過大家可以睇呢個15分鐘圖黎到refer返我昨日買果單交易的價位~睇得清楚d~今日我劃左兩條線~大家可以見到個下降通道~於是老公公就在通道頂端沽左英磅一沽~大概在1.9912~然後set左個止賺位係1.9892~其實set止賺位有時都幾難~當時daily low 係1.9887~不過我都是初哥~唔知應該點set好~所以就set住1.9892咁~點都應該無錯可能是我未諗到辦法點樣由個圖去measure佢通道底位~要計下數~不過未有時間去再鑽研下應該點計個底位~不過都唔緊要啦~最後英磅居然又真係跌到落通道底部~真係好野~之後一掂到個底部~英磅就即刻應聲彈返上通道頂部~如果有人食左呢一來一回~都咪話唔恐怖~最後我賺左廿點子~

交易原因: 英磅呈現下降通道~所以係頂位沽一沽~再係通道底獲利~

之後我有再係通道頂位沽一沽~但係跌左一陣又彈返轉頭~我見勢色唔對~於是趁佢平價就平左倉位~無賺無蝕~

交易原因: 想係通道頂部再沽一沽~不過最後只係跌一跌彈返上通道頂~未可以再下試~於是平返倉~

失敗原因: 英磅之前下跌至通道底部後急速位升至通道底~代表著底部有好多買盤支持~個力度好強~所以下次見到回升得咁厲害~就千祈唔好再沽喇~~忍忍手~

另外，係個15分鐘圖最後~大家見唔見到其實有個細細地既向上趨勢~皆因老公公要訓覺~所以無繼續睇~聽日只有分曉~

英磅交易

GBP/USD, 15 mins

GBP/USD, daily




好耐都無玩過外匯喇~呢期又睇返喇~為左令自己學得更多~所以決定要做下功課~將每次既交易都作出紀錄~等自己累積下經驗~亦都可以令自己唔會亂咁買賣而是有理由下買賣~玩外幣貴精不貴多~英磅是老公公的心頭好~皆因英磅波幅較大~好玩~所以亦主力研究英磅走勢~

老公公不太熟玩外幣~還在學習階段~現時主要睇趨勢線~阻力位~通道之類黎做買賣~在此只為作個紀錄同埋同有興趣的人交流交流~希望大家多多指教~好~回歸正傳~先睇下日線圖~由三月中至到五月而家形成左個上升軌~而根據十一月尾同一月中既高位又可以畫出一條阻力線~剛好接近今日既高位~有見及此~老公公就係2.0067呢個位沽左英磅一沽~大家可以係15分鐘圖上面見到~就當我係度沽一沽之後無耐~英磅就已經應聲下跌去到1.9990附近~都咪話唔驚~而最低更加去到1.9980左右~不過因為老公公仲係初哥~所以當跌到落1.9980左右再彈返上2算既時候~我已經忍唔住驚驚地平左倉~就係咁~今日就有67點子既進帳~作為咁耐以黎既第一單交易~都算唔錯架喇~

交易原因: 因為價位在日線圖上遇到阻力位~所以沽佢一沽~

另外，大家可以睇一睇十五分鐘圖~有一條下降既通道~但係當價位突破通道頂時又可以畫出另一個上升通道~老公公係黎緊既時候~好想學習下如何預先知道呢個轉勢的位置同時間~