錯過了的機會

星期五忙到甩碌，成日都無返過公司所以無用過電腦，本來想內子操作，點知朝早打來話佢發燒，所以無人睇住盤玩。今日最應該沽的是創科，連續兩日先高後低，今日大成交量但仲低過前日收市，係distribution day！可惜沽不到貨高位獲利，星期一低開跌穿升軌機會好大，把握不到機會，時也命也！另一隻要沽的是中海集運，前日已經減持，不過諗諗下應該全數清，恆指咁升法佢都唔郁，似係吊住命，當恆指要調整時，弱股應該守不了的。星期一低開機會好大，但願可以不要開太低吧！

恆指升穿20400!

新年長假期過後，龍年第一個交易日，港股升三百幾點，收市報20439，成交六百幾億，這兩日升市成交量縮減，RSI高於70，週線圖上RSI則穿了50且今日收於五十天線上！意義重大！今日已經升穿左十一月的反彈高位，快要去到8月出現裂口大跌的位置了。國指更厲害，已經升穿埋8月的裂口，正在逐步回補此裂口位。牛現象很強，近日再做多些功課，感覺上此時和09年3月給我的感覺很似，股份由低位回升，且升穿阻力位，當年我因為見股價從08年海嘯低位回升不少，搞到我唔想高追，再加上買樓用哂D錢無錢買，最後錯過了買入自動化同IT，兩者在前一浪升了約12及26倍左右，所以今次我不能錯過在低位入市的機會！不過現在和以前的操作方法就改變了很多，近月的交易發覺自己的老毛病依舊存在，要強逼自己改善，上一浪我天真地打算買入三四隻股然後渣至牛三，結果牛三沒有到來，最後利潤蒸發，今次我要適量在高位減持套現換碼至其他股份，做好資產配置，我相信這能增加投資時的靈活性。

昨晚用了差不多四五個鐘做功課及計劃調整資產配置，最後今日都執行了昨日的計劃，唯始終都有些地方需要改善。今朝一開市沽出我必沽的一隻股，招商銀行3968，此股走勢明顯落後於其他內銀股，如我之前所說，交行是好過招行，當初買錯了，幸好當時不知哪隻好些，於是將注碼買了兩隻內銀股，現在仍然持有工行，沽出招商獲利6%左右。然後減持近一半中海集運2866，我經常盼望此股可以有好表現而沒有沽出，其實應該一早沽出將資金換至其他股，當初一注用三成買入確是做錯了，下跌後鎖住資金，錯過了不少其他突破股，往後不能第一注就大大力買入單一股份，及後又不太願有虧損沽出，呢個係影響了今浪回報不夠亮麗的主因，始終投資不會每次贏！但第一步做錯了就不應繼續錯下去，現在我還嫌自己今日減持得唔夠多！減持的呢一注蝕約４%左右。往後又減持創科669，呢一隻我處理得不好，第二日裂口高開，應該預計到也是高開低走格局，但也沒有把握第一時間沽出！等到其回順後才沽，否則可以高2-3%沽出，此股是重新入市第一隻買入的股，也是一開波就投入三成資金買入的，但此股則帶來正回報，今日減持了三份一，將此股佔組合比重降至22%左右，這注減持的回報是14%。

跟著今日買入三隻股，中國龍工3339，卡姆丹克太陽能712，信義玻璃868。中國龍工係其中一隻絕地反擊股，其姊妹股中聯重科行得很好，中國龍工放假前數日大升後整理了數天，且調整時量縮，今朝開市已穿了trading range，但又未大升於是2.99即刻買入，下午升幅擴大，收市升過5%，即日帶來4%回報。卡姆丹克太陽能今朝大跌，諗住執到寶，點知原來買貴貨，1.38接左貨，但最低1.33，收市跌幅收縮至1.41，今日量縮，似一日調整到位，和理文造紙今日的走勢很似，此股即日帶來2%回報。最後買入的是信義玻璃，這股上一浪都有買，但由第一日買就已經係蝕錢，今次買入因為近日輕微量增，走勢有改善跡象，不過因為我又成日為左平果一兩格，最後要追多七八格...真係老毛病要改，得不償失！幸好收市都高於我的買入價，4.98買入，收市5蚊。

唯今日錯過了另一隻觀察名單上的股重慶機電2722，此股今日升6%，上午時又係未點郁，其實好多股走勢也極度相似，買入走勢似的股無死，資金有限，且不能一次持有太多股票，對我做野咁慢的人來說在市況逆轉時會較吃力處理。仲有好多名單上的股今日都升2-5%不等，未能盡錄，近兩日大市成交減，但市繼續破位上，入市參與的人仍不多，感覺上確是一次可以升到你唔信的單邊升市，大漲小回格局，起碼要回補返當初裂口殺跌落的21500關口吧！要把握今次升市賺多些，為下一浪做好準備，今次要特別留意的功課時要適量在高位逐步減持股票套現，袋落袋先係自己錢！個市升到呢個位，令到散戶唔敢入市，好容易可以被人挾到你唔信！把持位倉位不輕易沽出注碼，但又要識得辨別高位沽出套現，是今次要學習的功課，暫時我想到要留意的情況是，有大成交挾住個市升，可能一至三日，然後有一日成交量增加但個市持平無咩升，出現類似churning，咁就要沽貨離一離場，呢個係我暫時諗到的格局，總之特別留意多些個市。

今日仲要留意的是金價，金價居然突破了近半年的調整區間！有重新被看好的理由，不過暫時股票精彩，未洗買金住。今日倉內另一股冠捷903亦終於起動，升超過7%。

祝大家龍年行大運

聽日先係年初一，不過先在此同各位講聲新年快樂，並祝大家來年龍年行龍運！龍年賺大錢！早日減持左一半招商銀行，然後換碼至冠捷903，當日想揀2600, 712 or 903，點知前兩隻都大升，隻冠捷呢兩日郁都唔郁，真係濕滯！今次雖然捕捉到升市，但係買入的股並未能好好享受到大市升幅，感到可恨！中海集運一直壓住舊錢，有早知無黑衣，沽左佢買其他股都已經賺返黎，星期五應該要朝早減持創科，將資金換入其他股，不過星期五太忙了，要同BB去覆診，點知又要再去威記抽血，搞到成個下午都唔係度，做唔到任何交易。觀察名單上越來越多股已經彈升，近日又有吉利，而家真係有喜有悲！

港股價量齊升!

星期日我還擔心港股會因評級機構下調九個歐洲國家而令到呢浪升市被破壞，但星期一港股只是極低成交量下跌近二百點，令我放心很多，調整時量縮是好現象，且今日歐洲穩定基金被調低評級但歐市仍然上升中，且港股受A股自09年10月以來最大單日升幅超過4%帶動下，今日升左六百點幾，且成交量增加至六百幾億，收復了十二月高位，下一個目標當然是十月高位！當然，就算有調整也是理所當然的，但近呢兩星期有很多股票也出現價量齊升的突破現象，且是多板塊一同突破，出現很牛的現象，兼且成交量日漸增加，入市的人越黎越多，基於個人渣緊貨的心態下，當然覺得重新進入上升趨勢的機會很大。

昨日開始正式返返工，因兩星期無返工，積壓左好多野，加上好多人黎道賀吹水，完全無時間睇市，自己亦唔記得睇市，我最擔心的是隻2866中海集運，買入價是1.9，昨日以低位1.74收市，姊妹股316東方海外亦再創低位，當初追入時居然是此浪的頂位，昨日收市位已經應該要止蝕，但因形態未被破壞所以再想渣D，幸好昨日無沽亦無時間沽，今日隻股跟返大市升，升近7%以近全日高位收市且成交量增加，是我樂見的，雖未升穿返前高位形成一浪高於一浪，但起碼脫離危險狀態，入此股時一次動用三成資金，一買入後就跌，搞到我之後見其他股都三心兩意不知是否止蝕換碼，又上了一課，下次都係減少每次投入資金，亦可保留資金投入其他突破股身上，今次已經浪費了不少機會成本，在過去一兩星期已有很多股10%10%咁爆上去。另外創科669以量縮形態調整了兩天，今日亦再次出現價量齊升突破前高位，頭肩底的突破形態造得頗靚。兩隻內銀股工行1398同招行3968都有得升，工行成交量有升，但招行近幾日升都無咩成交量增加，而且價升亦相對較慢，表現不太滿意，若要我換股，我都會考慮沽出此股，交行被招行好，或買入其他類別的股仔也好。 這兩星期的建倉，扣除手續費已有5.4%回報，幸好當時決定雖然個仔要出世好忙，但都要買入股票，我怕我會錯過呢隻牛的初期。雖然現在回報唔多，而且可能一兩日又無返，但總算有得高興下先，點都好，往後日子都要靠買股票賺錢買樓，否則財務自由之路甚遠。

今日我張stock list除左一隻之外，其餘十幾廿隻全部都係報升，且大部份升4%以上，有數隻係升6-10%。近日價量齊升的突破現象，令我更覺不是一次假升市，若然怕是假突破的話，都建議可少量買入，牛市初期所能賺取的回報係最大的！而且正如好似係livermore所講，係突破關鍵位正確買入，其後係升市所帶來的初期利潤，係令你往後坐得安心的注碼同信心。

另外不得不提的是殘股翻生，比亞迪1211已經由高位85跌左兩年到去年十月得11蚊左右，但今年初至今，已經升左四成多，另一隻係思捷330，今年似乎炒turnaround stock機會率好大，就好似我重新看好內銀股一樣，思捷近月走勢亦令我有看好跡象，由07年120跌到最低5蚊，但去年11月尾出現價量齊升的股動，然後十二月至一月初出現量縮調整，近日上升時量增，跌時量縮的利好狀態，此股係另一隻列入我觀察名單的股。

再有板塊出現突破

自恆指突破下降軌後，已連續三日出現板塊突破，今日輪到太陽能板塊，還有其他股仔，前受股中國全通都出現一個cup and handle突破，大升10%，有太多個股出現突破，睇都唔睇唔切，發現時已太遲，看來有必要好好整理一下自己的觀察名單。2866同316的走勢暫時不太好，尤其316，有其他股相繼出現突破，，眼見其他股動輒8-10%突破，但呢隻股仍要捱價，不禁令我好想沽左佢。今日另一令我想買的板塊係電力股，華潤電力及中國電力走勢也相當好。

價量齊升

昨日升完後，今日港股繼續升，同樣地是越走越高的利好格局，今日有更多板塊及股出現價量齊升格局，勝獅大升10%，重慶機電第二日價量向上，還有其他更多股也出現類似價量齊升的突破格局，今次恆指突破下降軌後第二日，其他股仔同樣出現突破利好走勢，暫時仍屬利好現象。創科維持高於均成交量向上升穿上星期高位，今日勝獅大升，但隻中海集運都係麻麻，沒有升穿近日調整格局，但今日量增且出現低位整理並收於近全日高位，也算利好，資金似乎炒緊其他板塊，呢兩日未輪到航運股，工行及招行突破第二日後繼續上升，但也不及重慶農商今日升近5%咁突出，昨日此股尚未突破，所以無揀佢。今日寶寶唔乖，生活規律較亂，搞到我都無時間睇市，到有時間坐係度睇時已經係三點半，咩股都升哂上去，想換股操作都來不及，一動不如一靜，繼續守住先。

滿倉

剛剛的一星期很繁忙，寶寶最緊兩三日才建立較穩定的生活規律週期，真是感恩！

上星期買入航運股2866中海集運，但近日表現不太好，繼續觀察，調整時成交量沒有縮少，感覺不太好，另一隻領先些的東方海外316亦是麻麻，呢兩日港股維持升勢都無受惠。隻創科669走勢較對板，出現突破pullback後今日仲配合成交量上升，歐市而家大升中，如無意外聽日再向上升就會破左五日前高位繼續向上。

昨日港股開市跌近三百點，但到左大陸收市歐市開時，突然由低位不斷向上，最後仲收升二百幾點，今日食住個勢繼續上升，今朝開市見只係升幾日點，感覺上似係向上前的整理，於是拿拿聲看看買咩好，之前其中睇好的燃氣相關股珠江鋼管昨日升超過7%，今朝繼續爆上，既然錯過了，所以就不追，脫離關鍵突破位較遠因此放棄。電力股又不似在此階段有資金流入，於是亦放棄了，本有考慮加注創科，但已經有30%資金投入，再加的話可能倉位太大，監於現階段未完全確定大市情況，所以都是找其他板塊好。最後選擇了另一看好板塊內銀股，此板塊是否能看好實屬爭議，過往幾年我都看淡此板塊，但現時存款準備金處於高位，國內水緊情況導致資金鏈問題，政府好大機會繼續減存款準備金，若然如此，內銀有望環境改善，且今日多隻內銀股同步出現有成交量的向上突破，是整個板塊出現利好狀況，最後選擇了買入工商1398和招商3968買入，現在發現交行3328可能會是更好選擇，但也無所謂位，既然買了就再觀察下。買入內銀後，現在再次滿倉，內銀同創科都有些信心享受到今浪升幅，唯航運股近日表現有些擔心，若然情況無甚改善，不排除沽出部份減持比例，將資金重新調配。

今次的升市頗合面，有多個板塊也出現價量上漲，尤其今日值得提的是小孩用品股，一隻好孩子1086已經升左16%，帶動其他博士蛙等一齊大升。石油股在中國政府政策利好下亦已升多日。今日成交量增加至五百幾億，散戶參與比例應不是太高，但要留意港股今日升市在日線圖上似乎已升破下降阻力，黎緊是挑戰十二月高位，若能成功則已呈一浪高於一浪，港股行走於此三角形已四個多月，且看今次能否向上升穿。

2012 新年快樂!!!

踏入2012年，在此同各位講聲新年快樂！！！2012年對我來說將是特別的一年，因為家裏多了一個新成員，相信會帶來很多不同的經驗同體會，寶寶昨晚已經從醫院返屋企了，搞左成個鐘先知做咩寶寶唔肯飲奶，佢係醫院時係全場喊得最大聲同最多的寶寶，又唔肯飲奶要飲奶粉，而家好感恩可以順利飲奶了，而且佢一點半飲完之後仲好乖咁訓到五點半先想飲奶，真係好乖！

早幾日很忙都無時間睇市，但昨日睇新聞，見到歐元終於跌低過Yen！我等左見證呢一刻真係好耐，而家去歐洲仲平過日本！另外仲睇到一樣野係之前無留意的，原來港匯靜悄悄地轉強了很多，已經係7.76-77水平，可能我暫時自己有bias，感覺上下年個市況可能有意外驚喜，首要的是找尋到真正的領先板塊。

669創科實業突破後價升但成交縮減，無預期咁好，繼續睇下。隻316東方海外繼續扯上，2866則突破後出現量縮調節，此股給我的感覺頗良好。