外匯

昨晚聯儲局宣佈加息四份一厘~並暗示通漲無想像中咁厲害~消息一公佈~金匯齊飛~
美元由1.25一跳~跳到1.27~個裂口大到你都唔信~不過其實都可以預計美國宣佈加息後美元會急跌~原因是美國即使加息~市場亦會話佢加息週期就黎完結~呢d便是市場情緒的威力~炒加息週期完結已經有半年之多~但仍然不斷咁炒~今次我可以見證度呢次加息潮~可謂上左寶貴既一堂~令我明白市場氣紛更為重要~在加息初至中期~加息可以震奮美元~但當炒加息週期完結時~每次加息都會不利美元走勢~

呢兩日都有睇下圖~在波幅位度買賣~發現原來不是好似想像中可以一日炒咁多次~只得一次炒作~還是同近期無方向既關係呢~發現每次買賣要俾五點子差額實在不化算~蝕要蝕多五點子~因為止蝕位要逼住放多五點子~賺就賺少五點子~因為要減埋果五點子差額~所以搞到呢兩日交易都是輸多贏少~原因是set錯位~而不是方向睇錯~可悲~呢方面有待改進微調~

老曹教你選股

以下係摘自今日老曹所講既~覺得好有用~所以記低佢~

「新上市既公司必須營業額急升才係好公司；上市已久既舊公司必須有良好純利紀錄及派息政策。如上市已久既舊公司純利仍大幅波動，就唔係好公司。新上市公司營業額唔大幅上升，亦非好既增長股。多D留意公司邊際利潤，一旦邊際利潤下降，代表該行業進入激烈競爭期或原材料成本上升，唔係好現象。如果係酒店股，留意入住率；如果係航空股，留意載客率；如果係工業股，留意邊際利潤；如果係金融股，留意淨利息收益及股東資金回報率。一旦掌握各行各業既竅門，其他方面可一理通百理明。例如零售業應留意同店營業額（即同一間店舖做幾多生意）及存貨量有冇上升，如同店營業額唔升而存貨上升，則沽之哉。」

黃金轉換

為免自己唔記得點樣轉~所以記低條式係度~
搵左好耐都唔知點轉~頭先俾我搵到點轉~原來唔會實際計到一個o岩既數~因為有香港金銀貿易場控制~唔怪得點計都唔o岩~所以個數都只可作參考~

倫敦金 600 x 7.8 = 4680 港元/安士
將安士轉返兩 4680 / 0.831 = 5632 港元/兩
搞掂！！！

香港漸淪為福利社會

香港是資本主義下長大~可惜到左今時今日~大部份人已成為中產階層~貧富懸殊越黎越大~議員為左得勢~不斷拉籠各弱勢社群~形成香港漸漸成為一個福利社會~要以眾多納稅人的錢~去補貼一d弱勢~香港成為福利社會後~情況相信會比現在更差~因為當大部份的錢用於補貼之用~可用的資金將減少~亦即為~利用資金去修補一d機械~又或者用一大批資金去還債~但這些債既一個特點是還極都還唔完~亦因為咁~香港的債項將會越黎越高！~要解決呢個問題係相當之難~因為社會自從97以後~已經積聚左一批拎綜援不想出黎工作/真係搵唔到工既人~香港轉型情況亦都直接逼使一班靠勞動力為生既人無以為計~呢個亦都是大勢之所趨而不能完全解決之問題~政府無可能經常推出一大堆大型基建黎幫呢批人~雖然香港自97之後都仲係走緊呢條路~只可以等到呢班人到老退休之後~先可以解決呢班靠勞動力為生既人~不過咁樣會產生另一個問題~退休生活~醫療問題~當一大批靠勞動力搵食既人退休~通常佢地都係低收入低學識之士~佢地未必可以儲到足夠金錢退休~到時香港就大獲~在未來香港十至廿年~這個問題應該會越黎越嚴重！有見及此~所以就係之前整左個強積金~可惜強積金強差人意~香港人以前喜歡將錢儲入銀行~但而家都已經無乜人會咁樣做~政府又不太願意~因為香港要用內需黎維持經濟持續繁榮~又可惜香港大部份人人工不及當年~物價又唔多見跌~形成工資追唔上物價~對於大部份人黎講~香港購物已經高出佢地可以應付~就算實際唔係咁~但唔可以否認心理上都會存在呢種感覺~

我的美元淡倉/我的英磅好倉

昨日平均在1.8586有600 lot~
點知今日美元何其之強~繼白南黑之後~又有個人出黎話情願加高都唔願意唔夠力度~美元升勢更顯威風~加上係下午~美國打死左個恐佈份子阿頭~美元立即升上去~呢件事都算突發性事件~是美元淡友所意料不及~英磅一路跌~歐元雖然加息~但唔知發生咩事~暫時未知~不升反跌~美元的升勢比想像中強得多~英磅今日連破兩個大位~跌穿左1.85同1.84~直到1.8367~太勁喇~搞到我個倉都帳面蝕緊萬銀~但係我始終認為美國並無利好因素~我而家只係買貴左英磅~但係無買錯~所以我唔會平倉~雖然話平左之後~可以係呢個低位買入~未嘗不可~但係都唔好咁做喇~不過其實可能平左倉之後再買入英磅真係會仲化算~

出口術

伯南克上任以來都好似無乜建樹~仲講錯野~搞到美元匯價自佢上任以黎跌左咁多~d人對佢都無乜信心~不過昨晚佢終於使出一招出口術~~表明其對於核心通漲仍然上升的強硬態度~令美元回升~但仍然只是近期區間中渡過~

呢兩日都講緊國泰會收購港龍~到時候就會變成國泰同國航互控股權~對我想研究既國航有正面既影響~可惜我仲未研究~haha

觀圖論勢

昨日做左單買賣~見到昨日英磅有個下降通道出現左~於是就買喇~但可惜我的時機係掌握得非常之唔好~不能於低點買入~最後只是一個偏高的地方入盤~我的平均買價好似是1.8627左右~但是最低都跌過落1.85xx~中間位~相差甚遠~雖然暫時都賺緊~不過形態掌握有待改善~

另外~老公公亦愈發覺得玩外幣似trading多於投資~唔知各位有無同感~

694 首都機場

老公公只是投資初哥~剛睇年報~未學過acc~對報表數字背後含意唔多清楚~所以只能予以表面的理解~縱然如此~老公公仍想同各位分享一下我睇完呢份年報之後的睇法~ 首都機場在2000年2月1日先正式在香港掛牌上市~所以睇到的年報業績有限~先作一個簡單介紹~
首都機場是北京唯一一個機場~2005年底~有205條航線~110條國內~95條國際加港澳~經營業務為航空及非航空業務~不過2005年將餐飲業~同埋其他一d廣告~地面服務等變為特許經營~然後從中收取租金等~這方面導致2005年經營額有所減少~另外~內地航空管制每日飛機起落架次為1000~在這方面~首都機場亦近乎每日爆滿~下年度中國將開放至1100起落架次~機場休息時間亦由夜晚十二時改為深夜兩點~相信可以增加更多飛機起落架次~

由中國航空業發展睇~中國航空業仍有好大的增長空間~尤其是國內行線~隨著中國對外開放~相信有不少旅客及商人將會來往北京更頻繁~係2008年~北京將會舉辦奧運~相信亦會增加該年的客運量~雖為短期~亦好過無~

每股盈利 2005 2004 2003 2002 2001 2000
基本（人民幣元） 0.24 0.19 0.10 0.13 0.10 0.13

從每股盈利角度睇~這五年的每股成長率為13%~可睇到由2000年至到2003年呢四年~都無乜增長率~2004年開始先至有大覆增長~如果計近兩年每股成長率~則為55%~近呢兩年既增長大於過往五年~但鑑於只有五年業績可以睇到~這兩年的指標性有限~ 最後~值得深思係~雖然國內航空業仍有好大既增長空間~但投資於機場定係航空股更為有利呢???~

投資機場既好處係~係油價高企之時~投資於航空股可能會因為油價而影響純利~投資機場股則可避免呢種情況發生~因為油價貴~亦只會增加飛機營運成本~同機場無關~飛機亦唔會因為油貴而唔飛黎北京機場~相對影響較細~老公公對呢方面仲未係好熟悉~只係照邏輯推斷~因此~油價高企未必會影響首都機場純利~機場股相信會受惠於航空業發展~再者~隨著航空業發展~每日起落次數增加同飛場關閉時間延長~到時營利可以進一步加增~

投資航空股~或唔投資機場既原因係~機場受限於地點位置~機場停機坪~貨倉或跑道會隨著中國對外開放越多而越接近飽和點~老公公對於首都機場地理環境唔係咁清楚~所以唔知道可以更進一步擴建機場既空間有幾多~不過要擴建亦需要一畢費用以及維修費~可能會對於業績造成間唔中既影響~其他航空股~可以擴展佢地既路線~係呢方面則較為主動~機場只能被動接近黎自呢d路線既飛機~係呢方面缺少主導權~需依賴航空公司既飛行路線~對於為機場增加營利方面減少了貢獻~
經過以上分析後~我會傾向於選擇投資航空股~雖然油價上升會對公司帶黎壓力~但係只要風險管理方面處理得好~係呢方面既影響可以減少~國航便能夠做到呢一點~只要揀o岩一間好既公司就行~而且航空公司可以擴展更多路線~係呢方面自主性更大~因此~可能投資於航空股更好~所以我下一個要研究既對象為~753 中國國際航空股份有限公司~