港股反彈 成交薄弱

憧憬歐洲有轉機，恆指升超過七百點，但成交縮減只得七百億多些，下跌成交大，上升成交縮，不是好現象，雖很多人預期大反彈在即，但小心疑似bull trap陷阱，之前有蟹貨未放的，今次應該係一次好機會放貨，錯過了反彈浪減持的話，將來跌得更甘，近日D股又再次大上大落，一日跌over 10%，第二日又彈返上10%，賺蝕只在一線之差。

樓市剛剛過去的一個星期成交勁減，十大屋苑中原只得十宗，美聯更只得七宗，外圍氣氛很差，加上樓按按息計劃上升，低息環境已過，之前渣緊低息計劃的人當然不會沽貨啦，沽左之後重新買回的話便要貴2%利息！而家新造按揭的話，實際上已經可能租平過供，盤源大減下，形成成交宗數很低，沒有了炒家，市場沒貨，將來大跌的話可以很sharp，政府可能真係要放寬返一D之前設立的行政干預，因為市場已經自行在調節了。

恆指一週挫近1800點 金價一週跌一成

今個星期風聲鶴唳，恆指一週跌左千八點，失守18000點關口，國指已到支持位，是09年升浪之雙底突破點，恆指則仲未跌至支持點。金價好都顛，日線圖行左個雙頸，跌穿頸線後急插，今週跌左一百美金，除左金價外，人民幣近兩日亦跌左2%，似乎真係所有錢都走哂去美元同美債，十年期同三十年期的美息率一直在跌，反映資金不斷湧入美債，在美元升值下，同美元掛鉤的港元及資產會有何變化是近日我在思考的問題。不過觀乎今日恆指今日先前強股都有不少的強力反彈！力度不弱，值得留意。

長實領凱賣樓開價仲平過市價，散貨格局?

恆指跌穿18000

今日恆指跌足全日，收市仲跌九百幾點，跌穿埋18000點，成交增至八百幾億，今日大跌屬預期之內，同早一個月跌穿21500時感覺大大不同，當日博佢牛不死唔會穿，點知最後穿左，決定清倉渣現金至今，今日再大跌九百幾點已是預期繼續下跌浪的開始，可能因為這樣，心情也沒有甚麼感覺。反之，看到很多之前的強股繼續被洗，甚至是近日最強板塊電訊股亦被洗，倘若仍有人說是牛市，真不知他要輸多少鋪才認輸！joyce跌16%，銀泰跌10%，利信達跌7%，IT跌8%，大昌行跌11%，東岳跌11%，莎莎、中建材跌5%，最後的強板塊和記跌7%，數碼通跌17%！！！見有分析員同財演仍說是牛市要買貨，雖然你係打份工可能要咁樣講，但確實有好多師奶睇呢D節目聽你講野，耐唔耐就教人溝貨又唔叫人止蝕，真係好不道德。

歐美市場續跌，大跌浪又再開始，外幣都跌到扒係度！澳元一日由1.02水平跌穿埋執筆時的0.98！紐元也是一日跌左400 pips！金價亦撐不住，暫時市場資金都係去返哂美元美債，美匯指數已經上到78。

港股形勢超弱

思捷今日再破底，跌穿9蚊，呢幾日好多股繼續被洗，銀泰百貨今日勁顛，最多跌左27%，近日眾多股在走勢上表現出只要形態上一破底，發生向下的洗倉式下跌是很大機會的，止蝕真是很重要。港股走勢非常疲弱，反觀美股反彈仍很強，A股今日量價齊升，都無助港股上升，真是淡到無人有，睇黎港股有排唔玩得，慘慘~~

銀行上調H按按揭計劃息率

銀行近日相繼上調H按的按揭計劃息率，加到H+2.2-2.8%左右，仲貴過P按，即係根本唔想借錢俾你，而家按息息率已經去到差不多3%，樓價高企，按息計劃上升，要注意H同P仲未上升，只係計劃間接令按揭計劃上升，我相信樓價面對的壓力越來越大，外圍氣氛不好，樓價貴，按息升，買樓意慾自然受到打擊，同時間，盤源仍然偏小，試想之前用緊低於1%計劃的業主，又怎會輕易沽出自住樓捱貴租，兼且將來再買回時可能要用更貴的按息，樓市似乎已經缺乏上升的因素，一味話通漲升樓價會升是不合情理的，樓價已經升左好耐，相反現在是租金繼續上升，追返緊樓價升幅，從而將租金回報率正常化一些。

近日美元轉強，調整了一週後，今日裂口高開即去到一週前的高位，若然美元展開真升浪，那麼會否令香港出現最後一升呢?美元升有可能令資金湧入香港，亦正因本身港樓市已缺乏良好基調支持買家，一次的乾升是有機會發生的。

又講下少少股票記錄下，思捷公佈了一早都知差的業績後，於三日內下跌了50%！果真厲害！由18左右跌到今日得返9個幾，夠哂堅！

上衝失敗

昨日恆指升四百幾點，尾市收窄升幅得五十點，今日一開市就一直跌，到收市跌左三百幾點，即是由昨日高位跌落黎已經有七百幾點，恆指上衝均線一日失敗就已經跌落黎，暫時跌落左呢一兩星期的上升軌，今晚美股個勢似係續跌，萬一下星期一開市恆指不能守住，咁睇黎再次試返19000都好大機會了！

恆指遇上阻力位

恆指今日一開市就升四百點，係威係勢，但見高位後一直跌下去，最後只係升得五十點收市，成交八百幾億，似派貨格局喎！大成交微升，仲要係遇上阻力位時發生。近日有多幾隻股票都吸引我買入，但我都忍忍手唔買，皆因大市進一步來到阻力區，臨近阻力區附近先出現買入機會，就好似六月及七月時，也有兩三次向上挑戰阻力位時出現股票突破，事後卻很多假突破，因此，今次都忍下手，費時又中陷阱。話咁快又到九月了！今年回報很不理想，尚餘四個月，但願有機會可反敗為勝吧！