恆指遇上阻力位

恆指今日一開市就升四百點，係威係勢，但見高位後一直跌下去，最後只係升得五十點收市，成交八百幾億，似派貨格局喎！大成交微升，仲要係遇上阻力位時發生。近日有多幾隻股票都吸引我買入，但我都忍忍手唔買，皆因大市進一步來到阻力區，臨近阻力區附近先出現買入機會，就好似六月及七月時，也有兩三次向上挑戰阻力位時出現股票突破，事後卻很多假突破，因此，今次都忍下手，費時又中陷阱。話咁快又到九月了！今年回報很不理想，尚餘四個月，但願有機會可反敗為勝吧！