暴跌1600點

今次第一次live睇恆指一開市暴跌1600點！無貨在手，正如友人話濟，買定花生睇好戲！一開市已經連破20000同19000點，19000點係我認為唯一一個支持位，應有很強的承接力，不過小弟無勇氣入場，情願靠邊站，放棄這次既急且飄忽的反彈，我相信風險來自於投資者本身，而非投資工具，博反彈兼在熊市初段博反彈的難度對本人來說頗高，出入位睇盤能力選擇目標皆要很強，自問未到此境界，既然如此，我便放棄這輪反彈，雖然回報非常吸引，觀乎這兩日大跌市，只要在低位撈入之前的強股，再於其後當日反彈高位沽出，有很多隻也可做到即日8-10%回報，但為保持實力，我都係睇下就好了！

今日都真係過山車咁去，跌1600點，午後只係跌300幾點，即係低位上返1300點！留意今日期指未平倉合約極高，今日可能午後反彈係平倉獲利盤，皆因收盤前再次暴跌，全日都要跌過一千點！6日合共跌了3300點。

道指而家升緊接近200點，看來也是跌定了吧！如無意外，一個pullback將會形成，等明確一些時，先或者考慮嘗試小注玩反彈，幫補下個組合回報，但始終非我的強項，要好小心不能太進取。看到其實很多之前的強股仍能守於週線圖上，此等股確實非常強勁。