恆指仍然受制於下跌裂口

恆指仍然於上次大跌七百點的下跌裂口下運行，等得著恆指找尋一個方向，向上或向下其實都無所謂，假若向上突破的話，咪當之前睇錯，可以買返企穩左的股票，若然能夠全然突破四月延伸的下降阻力軌，仲可以食一次大浪添。若向下發展，咪可以等佢再狂跌一浸，到時又再玩過個遊戲，最慘係而家市況，唔上唔落唔突破！D股又好似企穩哂，之前的疑似震倉會令人好想買返，但買返之後再跌過的機率亦不細，這段時間便要有耐心，今日應該是等到了吧！之前買過的利信達，今日放量大升接近8%突破我認為的杯柄位置，近日已留意此股能否向上突破，午市過後都未見其突破，所以沒有理會，怎知最後一小時竟有力繼續向上衝順利突破收市，這三日升勢頗急，但非常有力而非只有價升而無量，計劃明天買入，雖然市況未明，但在此階段仍有此等突破走勢的股實屬難能可貴，今日向上放量突破或脫離調整區的還有周生生及六福，若是比較周生生及六福，我會是選擇六福的，周生生是比六福行得慢，而且每次跌也比六福多，兩者之中是次選，但若要選擇六福及利信達，我則比較願意買入利信達，聽日開市時千萬不要裂口高開！當益下小弟俾個位黎入下貨。