買入中國建材3323 大昌行1828

昨晚QE3疑似出現，美股曾升160點，但最後收窄哂所有升幅，今日港股更趁跌170點！但尾市發力向上，成交卻少得只有618億，但尾市有人咁樣掃上黎，感覺上又不太差，起碼也回穩一點吧。思捷繼續創新低，將佢張圖反轉來看，可以見到一隻超強的牛股，可惜呢一隻係超強的熊股，每當大市升到有阻力時，不妨大家買返隻輪put下佢，應該幾開心！可以做下對沖，反正升佢又唔跟，跌就跟到足！

今朝做左兩個trade，一個捱價，一個執到，今朝一開市就17.18買入中國建材3323，點知已經買在接近dayhigh！ 第一日就捱價，收市報17.1。另外亦是開市以9.72買入大昌行，因其配合成交突破由去年十月至今的延伸阻力線，昨日尾市成交急增上升，而且在週初的大跌市時下試了均線出現拉回，今日買入贏面較大，收市報9.9。

今日整理了一下自己的思維，因感到手中的此股似乎動能不是太強，在這一浪裏也是處於捱價狀態，未能重返大跌前水平，因此需要檢討一下手中此股，汰弱留強，但也要取得平衡，以免經常換股未能給予足夠時間發揮。