沽出joyce及莎莎 換入華潤水泥及中國聯塑

今日真係激死人！今早決定沽出joyce同莎莎，沽出莎莎因為自突破後一直無甚表現，今日高開後反覆又下跌過，所以最後決定5.1跌穿埋昨日收市價就走貨，沽出joyce係因為已經很多日平收，昨日更低收於均線下，恐怕動能不足，所以決定沽出換馬，點知1.01一沽出後即刻繼續升！再無見過我的沽出價，最後全日升至1.08收市！一日升左11%仲要量價齊升！真係激到暈！功力未夠，自能嘆自己無耐性，急於有回報，其實joyce已經震過落一次突破位，每隻股有自己的韻律，無需太在意急於有回報，結果就錯過了今日大升！另一是我心急想換入水泥板塊股，結果換入的華潤水泥1313收市需亦報升，但買入時也不是低位，怎樣也追不到joyce的升幅！最怕的是joyce會重演東方表行這隻升到無朋友的走勢！到時真係喊都無謂>.< 水泥板塊應買入山水水泥691，但升幅真是太勁了，不敢高追，風險過高，衡量後我決定買入次選正於突破位附近的華潤水泥，已有心理準備未來升幅可能不及山水水泥，唯風險可大大降低。

另外沽左莎莎之後就換馬入中國聯塑2128，接近突破位，但買入後又瞬即回落！未能成功突破。

今日周生生又出現觸及新高，但午市出現大回吐，更收低，形勢不太妙。IT今日亦要報跌，臨近阻力位，沽壓甚大。銀泰又係咁，上午升過十四蚊高位，但午後突然大沽壓，最後仲收低埋，震得好勁！

雖然今日面對IT同周生生的低收打擊，但組合終創新高！現時最苦惱的是若IT及周生生走勢轉差需要換出，那麼這畢資金應該買甚麼！這是暫時有機會發生最苦惱的情況。