恆指沽壓減輕

昨晚道指又跌五百幾點，抹殺掉前日升幅，呢幾日真係好大波動，港股今朝只是開市跌五百點左右，最後全日跌188點，成交七百幾億，要沽貨的一早已沽，未沽貨的等待反彈沽貨或繼續死渣，前日買左貨的，而家未跌穿返個位或未到止賺又唔會放，我估計是今日跌不下去之原因，既然無力向下，向上的機會便大增，其實都見到有幾隻股票似向我朝手，叫我入貨，這一輪急插，都竟能繼續守著週線圖，若只望這些股的週線圖，還以為只是普通調整的一兩週，不過此時此刻既非買在最低點，買入後的持貨壓力大增，尤其近日過了一晚，似乎局勢會變得很快，今日唔知聽日事，少做少錯，多做多錯，繼續觀察。