港股反彈力勁弱!

昨晚美股超波動，白藍黑宣佈維持低利率兩年，果然美國真係有排都無條件加息，即係除非太多大陸人來香港借錢，或者銀行體制受到突如奇來衝擊，否則拆息無咩條件會加！暫時來看，當日買樓時揀用H按是正確的，當時賭佢三年來不會加息，現在顏色人咁樣講，即係起碼由我買樓時四年後都不加息，節省不少利息支出，亦都令我較安心一些，因為未來兩年不加息，就不用擔心未來增加供款，對小弟家庭的開支壓力減低！唯一擔心都係利息抽升會導致我的供樓壓力增加。

道指彈四百幾點，但港股今日高位只是七百幾點！弱得很，正路應該要升過千點，今朝睇新聞我都諗住要升過千點，點知咁弱，會日仲要升得四百幾點，完全跟不足，而且睇下恆指即日走勢圖都頗為肉酸！恆指弱得很，繼續靠邊站睇戲，耐心等待。

下午匯豐、港交所、國泰三隻藍籌同埋另外四隻股因為港交所被黑客襲擊，所以午市要停牌，如果唔係佢地停左牌，我估計今日收市可能只係平收，只因為中午收市cap左，午後若跟隨大市回落，指數應該守不到四百幾點的。