中國水務 855

今日中國水務出業績，業績非常之好，大家可以參考返我係今年3月20日有關中國水務的文章，大家可以係呢個版上面搜尋"中國水務"或者"855"即可找到。

截至今年三月底為止，中國水務每股盈餘為0.3462，攤薄後為0.3415，中期業績時係0.1736，我剛時為左打個折扣，以每股盈餘0.3作為計算，想不到居然係半年後，中國水務也能接近繼續翻一倍，業務確實比較穩定，上下半年可保持相約利潤，對投資者而言確係一個保障，因可預測其業務發展。唯一美中不足既係無派息，不過係發展中，唔派息都正常，但獲利更為穩定之後先派也未遲)

當時我用左兩個方法黎計佢既未來合理股價，1) 以資產淨值nav作為計算，2) 以盈利增長率peg作為計算。由於我未print出黎，所以唔用nav計住，係電腦睇麻煩，所以我會用住peg黎計算。

以盈利增長率peg計算:
以股價(price) 2蚊計算，增長率(growth) 10%

每股盈利(e/s)= 0.3415

PEG=price/(E/S x growth)= 2/(0.3415 x 10)= 0.587

年增長率=10%，PEG應為1 倍，

potential rise= (1-0.587) /0.587= 0.413/0.587= 70.36%

P/E=10, 合理價=3.415

(P.S. 年增率10%乃保守估計，因為中國水務既起飛期只係剛開始，所以growth應比p/e高，而p/e=10倍亦為保守估計 --> 下一牛市將獲利甚豐!!!)

而現價2.19計算，每股盈利0.3415，那麼現在的P/E=2.19/0.3415=6.41, 中國水務而家只係得6.41倍!!! so cheap!!! 好明顯地而家已經跌落左安全網，係可以捕捉了! 該公司亦都常有動作回購股份，不過熊市嘗未完結，甚至只係進行二期當中，所以大家唔需要急於買入，而且從圖表上看仍處於下降軌，雖然今日下升15%收市，最高20%，即使呢幾日再升亦不易追入，皆因熊市綿綿唔怕買唔到平貨!!! 小心高位派貨。

中國水務 855 一年圖

第四週 損失慘重

第四週做過好多手外匯，全盤虧損!!!
美元繼續陷於交易區間內，adx 未能承接上週突破25大關，調頭回落!!
經過星期六日既思考之後，我暫時都係決定每晚短炒呢個策略，我決定都係用返我之前擅長既position trading，要係剩餘既時間追回!

第三週 美元新一輪跌浪?

若大家對比一下今週eur同之前既圖形比較，就可以發現歐元今週突破左1.53-1.59呢個區間，試過挑戰1.60呢個高位，至今日星期五eur仍守在一上升通道中，若然能守得住，從通道上看，黎緊再挑戰1.60以上高位則指日可等，今晚將是一個較佳位置部處低吸eur，係ADX顯示為22，若下週能配合，將可觸及25，eur將有機會脫離區間移動

第二週 第一交易

呢排屋企裝修，所以搞到部電腦收埋左一段時間，都無得睇下外匯，工程仍在進行中，不過由於需時，所以而家每晚部電腦會搬返出黎，咁就照用喇~上星期其實做左個trade，所以係度同大家交代返先

eur daily



eur 1 hour


我係一小時圖既圓圈位置set左位，一個下降三角形已經形成左，但我選擇唔係買上，而係當破位後沽eur，因在daily圖上，eur 跟據以往應該向下測試，結果係1.5790成功沽左兩手，target二百點，1.5590~之後到第二日eur橫向發展，到夜晚時向上突破，最後係1.5845止蝕，虧損110點子再加利息，好似係1.8~ 而家餘額係2448.2~

擇股

今日睇老曹, 有野學, 所以記低係呢度:

一、P/E係反映過去業績結果而唔係預測未來的工具。P/E四十倍股份應睇好定睇淡？如未來一年純利可上升100％，P/E四十倍點解唔買？相反．P/E十倍股份係唔係抵買？如果未來一年公司出現虧損，咁P/E十倍股份一D吸引力都冇。P/E高低由G（增長率）所管轄，投資者應買增長股份（Growth Stocks），而唔係低P/E股份。只講P/E唔講G者，係唔懂P/E理論，人云亦云，可能佢連P/E理論亦未睇過。其次係行業周期，例如2001年資源股P/E雖然高但唔怕買，因為資源業正進入上升周期（由1980年起，一直衰到2000年，衰足二十年）。相反，今年資源股低P/E都唔好買，因為佢地可能見頂。

二、太早止賺可令你破產。2007年上半年，唔少人呱呱叫泡沫經濟，係恒生指數22000點前早已放晒貨止賺。點知恒指去年8月只回落到20000點就止跌回升，9月份便到處問人好唔好高追？人地叫佢睇睇，佢就唔敢入貨。到咗10月份，股市實在太燦爛，人地叫佢唔好高追，佢亦聽唔入耳（心諗9月份你地叫我唔好高追，累我賺唔到錢）。喺10月份入飽貨後，股市卻大幅回落，由於喺30000點水平先入貨，自然唔肯止蝕。到今年3月嚇死先止蝕（50天線跌穿250天線）。4月時又心大心細，5月又再高追……。請記住投資市場只有止蝕唔止賺，從來冇止賺呢回事。相信止賺盤者永遠唔會係股市內既大贏家！甚至10％到15％止蝕盤亦不宜機械式運用，例如一旦確認行業進入上升周期，或確認牛市已開始時，買入後甚至股價回落10％到15％亦唔駛止蝕。只係一般人唔知咩叫當頭起。因此，對幾時應放棄止蝕盤並唔係容易掌握。

三、投資宜集中，不宜分散。專業投資者最多亦只可持有十隻股票，一般投資者最多只可住五隻股票。超過上述數目係自找麻煩；五隻股票中總有一、二隻跑出，嗰時更應該進一步集中（因溝上唔溝落），請賣晒蝕本貨，增持賺錢貨，而唔係賣晒賺錢貨而去買蝕本貨（平嘢冇好，好嘢冇平）。投資同生仔一樣，貴精唔貴多。

第一週 兩萬變十萬之旅

外匯實戰倉正式啟動, 暫時會由2007年7月運作至2008年6月, 總投資額係兩萬港元, 預算回報係變成十萬, 亦即500%回報, 本站將會定期每星期至少發佈一篇有關該星期的外匯回顧或者展望(希望能維持每週一次), 實行同各位fans一齊成長, 今日係第一週, 主要都係處理過戶問題, 都無咩野做過, haha! 本倉將會每季作出檢討, 看看是否進展良好

歐元宣佈加息, 但預期只會加一次, 歐元隨即由1.59 高位急跌係1.57以下收市, 美元仍未能擺脫由1.53至1.59以來的波動區域, 實在不太明朗, 但主要還是沽eur為主, 大家可留意近期油價, 金價, 以及伊朗局勢最新動態, 老公公將會為大家報導最新動態