中國水務 855

中國水務（０８５５）冀內地三家污水處理廠於今年底至春節前完工

《經濟通通訊社２９日專訊》中國水務 （００８５５）主席段傳良於股東會後表示，關於集團與內地省政府合作興建的三家污水處理廠，現已開始施工，預期最快於今年底完工，部分可能待春節前才完工。集團負責建設及營運三家工廠。
集團今年資本開支約數億元人民幣，以擴張部分供水廠、新管網建設、老化管網改造及作新收購項目開支。至於收購目標，主要是供水廠及水電開發項目。集團的水電開發業務，上年度已施工，預期今年下半年下發電組裝機會投產。
被問及會否再增持明興水務（００４０２），段氏則沒有作正面回應。
另外，集團正為十多個城市的水價提價進行申請，預期申請審批時間需要半年以上。
此外，有關江西８０個項目獲優先購買權，段氏表示，時間及金額仍在洽談階段。


中國水務正申請加價，半年以上，即係如果成功提價，咁來年份report應該盈利又有增長了 ! 再加上污水處理廠係年尾或春節完工，咁09-10年果一份report就更亮麗了，反而我對於果個水電項目期望不大，始終規模相對應較細，供電量應該不多，只係多一個項目發展，我更想中國水務將所有資源集中做水，而家仍有一半左右資產係做其他業務。將資源集中始終係一個優勢，盡快係水務上奪得區域性壟斷地位係非常之重要 ! 我願意將有限金錢投資的亦希望係一個壟斷型業務，暫時而言，中國水務仍未到我覺得可以捨棄其他股份而買入的地步，但仍然繼續跟進。

當頭起同反彈之分

摘自老曹日記：
一、當頭起升幅最少20%
二、一浪高于一浪（即喺次低點才入市）
三、50天移動平均線重返250天線之上
四、當頭起喺熊三出現后先出現（熊三P/E喺八至十二倍之間）。

近日亦正在努力尋找好股，為將來積極買入作準備，有意尋找1-2兩隻好股集中買入，由於本少，買入過多股份反而分薄利潤，大家有咩好股介紹? 不妨一齊研究研究！

第八週 美元整固

美元升勢未能強勁維持，仍然處於整固狀態，呢排處於冷靜期，減低交易次數，致在提升每次交易質素！

股市續跌

8月18日~過左去年既大奇蹟日，當日呢個狂牛升市就係由上年的大奇績日開始，由20000點起步升爆到32000，一年之後，大部份股票升幅已經打回原形，今日港股失守21000，雖然我唔會買，但強烈建議各位買熊證，上一次恆指接近呢個水平係3月17日左右，果日我就買左化肥297，皆因，當時出現強勁升彈可能性極高，最後恆指好似升左26000定27000，可惜我貪心得濟，最後隻化肥都要蝕錢，今次亦跌至呢個水平，我就建議大家買熊證，因為下跌機會極高 ! 而且一破就可以好大，有利潤可賺，相反上升空間非常之細，值博率相當之大 !

中國水務855

今日終於有時間睇一睇中國水務的2008業績，之前同大家講過下，原來去年盈利大增主要原因係出售沙棘業務既一次性收入，而細心睇完之後，持續經營業務所帶黎既最終每股收益只係6.34仙，去年係5.52仙，增長係14.86%，有接近15%既增長可以接受，時間過得好快，佢既2009年中期業績又就黎出喇！
假若保守計P/E=10，即其合理股價應為0.634。若而今年既增長率15%計算，股價應為0.0635 x 15=0.951。下降通道仍在進行中，相信仲有一個長時間先可以跌穩。頭先睇一睇佢個圖，原來2000年應該係科網股時曾經一度炒上五十幾蚊！真係好誇張！

細價股先行 大市即將大跌

近呢一兩週，老公公留意到眾多細價股及中型股急跌，勢頭非常之勁，破52週低位的股票亦越黎越多，一向留意開既中化化肥297，IT 999，中國水務855等的股票亦急速下滑，速度非常之快，大市雖然仲係21000樓上，但中移動亦破左100，匯豐暫時仲係125左右，只係俾人托住，匯豐一俾人質低，大市會隨即破位向下，呢一穿將會去得非常之遠！大家要走貨就要快！如果唔係就有心理準備要守起碼2-3年，多隻股份甚至港股亦已經形成一個大型下降三角形，中移動941算係第一隻破左呢個下降三角形已經展開跌浪既藍籌股份，之後將會逐續有來。

大家而家要揀既股份黎渡過寒冬而又有機會上升既股份應為以下選擇：
1) 派息高
2) 不受經濟週期影響的股份(公用股)
3) 行業龍頭股或有壟斷地位
4) 政策支持
5) 過往受資源價格上升而業務嚴重影響的股份(電力股)
6) 係通漲環境下仍有議價能力或能跟隨通漲而將價格提升之股份(內需股，即是有加幅但人民也要購買)
7) 金融股，經濟復甦時金融股先行頭，但可後期才吸納或慢慢低級

以下乃恆指及各股票的3年週線圖：
恆生指數

恆指正處於一個下降三角形當中，成交量萎縮，大跌市即將來臨，等待破位，呢一穿之後既量度跌幅相當之大。各位無貨既朋友要係呢段時候積存彈藥，耐心等待大跌市後吸貨，呢段時間要努力發掘寶藏。有貨的朋友請盡快散貨。有貨而唔放既朋友，請忘記自己買了股票，幾年後才再看吧！

中移動941

中移動係一隻連上試三角形頂部都無力既股票，失敗挑戰上線後往下掉頭跌穿下線，跌勢將會加劇，不排除會有retracement，但不應入貨或博反彈。

中人壽 2628

中人壽正上試完三角形上線，而家正往下掉頭準備跌穿下線


匯豐005

匯豐處於一個敏感三角形，留意佢有一個好大既裂口高開尚未回補，下週好大機會回補，因資金正從各地撤資回流美股，假若匯豐跌破呢個敏感三角形，也是一個大形跌幅開始。

第七週 美元續升

今個星期浪費左1-2次獲利既機會，原因係歐元用左4日作一個下降三角形作調整，但個人意願卻想美元出現回吐，個人感覺大過客觀因素，導致由獲利變虧損，資金去到1944，今似係一次好好既學習，點解話炒外匯既人係區間市表現會好過趨勢市，就係因為大多數人見升市升得咁急咁猛，主觀意願都會覺得有一個回吐，但偏偏就無，係一個整固市引你入局，然後殺返你班好友 ! 今個星期一至四都係歐元整固，到星期四夜晚歐元技術性上左1.4945之後就一路殺落去破左1.4800，穿左維持四日形成的下降三角形，美元係星期五繼續破位，最後全日破埋1.4700，係1.4672收市，穿左三角形之後短短兩日就殺左兩個大關，而家係日線圖，8小時，1小時全部都係trend，三條平均線全部保持水平向下指，ADI差不多全係40向上，美元下星期至少初段仍然係上升，我係1.4725沽左兩手eur，最後都未平倉，set止蝕會大些少去到1.4800，費時成日俾人惡性震倉！而且收於1.47以下兼且小時圖三條均線都指向下，ADI又高讀數向上，所以決定將個止賺位擴闊，暫時未定到，暫時賬面獲利至2032，誓要力守2000點大關!!!

另外，英磅因暗示未來可能要減息，立即暴跌幾百點，而家既環境係先美國衰弱，然後到其他國家，正正係累鬥累，高息貨幣無一幸免，美元升勢未結束，切勿係呢個時候買入外幣，只可等待下一個區間出現時才可。

日線圖

ADI 38，三條均線指向下，大家可參考上一次穿過ADI 25區域，即係上年年尾，歐元一路殺上去直到ADI 50以上先有回吐出現，相信今次美元亦一樣，大家可以望到美元衝向一條綠線，果條係由月線圖延伸出黎既上升通道下線，呢條線係歐元大支持位，假若破位，美元會展開更大規模既升勢，但相信呢個位增持相當激烈。

8小時圖

過往四日美元作出回穩調整，破位後繼續展開攻勢，三均線向下，ADI 45。

1小時圖

係1小時圖上，由10號至到14號，歐元整固左4日，見到一條橫線破位後，美元繼續殺落去，目標係呢一個下降楔形的底部，下降楔形係一個轉勢形勢，觸及底線後，大家可留意是否有破上線情況發生。

10min

第六週 歐元跌落1.50

歐元今日跌到落1.50水平~係精彩的一星期，睇8小時圖的話，可以清楚睇到佢如何係通道內一直向下然後跌穿橫行左幾個月既長方形，美元已經好大機會正在形或一個升浪，宜逢高沽，而勿博反彈，但係睇個圖，真係好想星期一朝早買入歐元博佢反彈上返1.53囉! 有呢個機會亦好大，不過吸取教訓，我都係高位先沽，星期一晚有機會再下試去年11月，今年1月同2月既高位1.4966 同1.4915 呢兩個位，然後先會向上彈返1.53。需留意日線圖，ADI仲未超過25，隨時留意市況發展，睇錯方向就認錯~

歐元日線圖

係日線圖上可以睇到有一支超級大陰蠋出現左，一吉就穿左橫行左幾個月既區間，一跳穿左呢個區間，就即即刻剷落去上年11月至今年3月所形成既區間頂部，三條平均線向下開始張開，等待ADI上穿25配合，大家可留意下面有一條向上傾斜的綠線，呢一條係週線圖上劃製的，美元假若展開升浪，則會最終以此作為目標。

歐元8小時圖

8小時圖上可清楚看到歐元係通道內移動，呢條係上星期已經劃畫的通道，係今個星期我曾經企圖set反彈位係1.5595 以及1.5525沽eur，可惜兩次都未能到價！兩次分別係1.5588同埋1.551x左右就調頭落返，錯過了兩次賺大錢的機會，跟著屋企又裝修，星期四及五收左電腦無得用，miss埋最後回升1.55然後直衝1.50的呢個超級大水位，不過如果俾我set最後一浪，我都相信只會target至1.53呢個位，可能係呢d關鍵位，都有需賺一手，另一手繼續俾佢滾大。

歐元1小時圖

係1小時圖，歐元ADI去到73，係1小時圖上係非常少見的，我只係係五分鐘圖見過，星期一可能向下插多插之後就點都有返個回吐。

黎緊呢個星期，大家可先慢慢觀察一下市場反應，看看美元急升後會調整至邊度再作出步署，機會多的是，留得青山在，哪怕無柴燒! 本月仲有三星期，目標係賺得1000美元。策略係等待retracement，歐元回升到剛突破左既8小時通道底部set位沽歐元。但係呢個階段，好難估計得到邊個先係支持同阻力位，市場需要時間重新調整。

聖誕節係一月!!! 復活節點解唔係固定!!!

終於終於有個解釋喇!!!! 係出自老曹的，雖則唔知佢係邊度搵出黎，不過可信性頗高。

7月過去，8月1日開始。點解7月同8月皆有31日？原來同羅馬帝國有關。7月英文係 July，來自凱撒大帝（Julius Caesar）；8月係August，來自另一皇帝奧古斯都（Augustus Caesar）。至於前面六個月都係佢地鮋神，例如3月代表戰神（Martius）、4月代表播種之神（Aprilis）、5月代表成長之神（Maius）、6月代表欣欣向榮之神（Iunius）；1月代表萬物開始之神（Ianuarius）、2月代表淨化之神（Februarius），上半年六個月，六個神各佔一個月。其後羅馬人把凱撒大帝及奧古斯都亦加入，成為7月同8月。9月便乜特別意思，叫做September，其他月份係 October、November、December。
公元前46年，凱撒大帝擁有無上權力，人們認為佢已媲美神，因此將7月改為凱撒月（即July）。公元前8年，凱撒鮋侄孫奧古斯都繼位後欲同凱撒爭榮耀，而將6月改為August，放喺凱撒之前，但羅馬人唔同意，結果將8月改為August，作為表示同凱撒一樣大，但卻由2月份偷走一天變成29日放喺8 月，變成7月同8月都係三十一天。由於一年只有三百六十五天，仍欠一天，便索性再向2月份抽水，變成二十八天。其後科學家計算一年係三百六十五點二五天先啱，所以每四年便還番一天畀2月，形成潤年2月有二十九日。原來2月份其中一天係奧古斯都運用政治力量偷咗（每四年潤日由1582年才開始）！根據羅馬帝國曆法，耶穌應喺1月7日誕生才對，可惜羅馬帝國滅亡後，曆法計算由天主教廷負責，教宗額我略十三世响推算時冇將每年鮋十一分鐘算進去（一年係三百六十五點二五日另加十一分鐘），呢十一分鐘差距造成計算上出錯，結果把聖誕節定喺每年12月25日，更一直錯到今天。其後再冇人有吉士計算復活節係邊一日矣，只有把復活節變成「浮動」，定於每年3月第三個星期天。

第五週 7月結

炒匯生涯已經過左一個月，係時候做返個7月結，睇一睇成果，由開倉日的2560美元至今總累積虧損至帳戶餘下資金2059.8!!! 成績確實強差人意，總括今個月表演，越玩越心急! 有一個week差不多晚晚trade，左一巴右一巴，諗住短炒，結果炒哂，果個week 導致最大虧損，所以得出總結係，之後會用返position trade! 看來這也是比較適合我的了!!!

中國水務 855

今日再仔細睇一睇份業績既時候，發現原來佢既盈利就絕大部份都係黎自出售沙棘業務所賺返黎，扣除左之後，實則中國水務所賺既並唔係想像中咁多 ! 所以要重新評估過，不過時間有限，所以仲未計算各百份比，遲d得閒時會再補上