中途檢討

恆指收市跌八點，但成交急增至900億，早市跌二百點，其後慢慢爬升，我當個市平收，買盤由低位買返上黎，但成交量大增卻沒有進一步上升，是需要留意的，呢排要很貼市，因為隨時出現走佬信號，要諗定點做。今日同樣有更多股爆升，又是動輒升8-10%，今朝睇住三隻股想為BB基金入，中國自動化569，中國智能交通1900同華耐1020，自動化之前的成交量未如另外兩隻股那麼大，中國智能交通開市就升左上去，華耐反而回調，於是掛0.64買入，又竟然可以買到，買到後已經升返上去，最高0.71，收市0.67因為買後較低，所以第一日就有回報，另外一隻昨晚都有睇的是海外宏洋81整理期很靚，不過今朝無睇佢，下午一睇發現佢爆左15%！！！走哂寶！今日檢討自己組合，唯然有得賺，但我感到自己的組合賺的回報同近來的股仔爆升不配合，應是大落後，雖然每日都有進帳，但卻好像沒能太食哂呢浪，於是重看組合，發現有一個主因，就是渣住了一些仍在盤整階段無進展的股如工行及中人壽，正常呢幾日有不少股十幾%日日爆之際，他們之前升了現在卻在調整，沒有進行套現換碼因而減低回報，不過此做法有頗大爭議，因為你不知到那日你渣的股會升，可能你換出了就升，換入的就剛進入調整，得個吉，此亦乃我前排決定渣住個組合唔郁的原因，因此今日BB基金入的華耐是希望捕捉一些落後的股，因現在市場基本上所有股都是走同一個走勢！！！全部股都追緊十一月的反彈高位，因此為何其他人回報較佳，我相信是因為他們勇於進入這些準備跟隨大市回升的落後股，賺完就走然後就另一隻，因此複式回報較高！雖然我能買入坐著，但卻做不到提早複式回報的效果，不過現在不知會否已太遲，機會成本是最難預測的。

創科終於完成調整向上了，今日大成交突破前高位，週線圖很靚仔，此股我之前見差不多見頂就沽了些，但因工作關係沽得不夠高，不過之後都有一注再加回，但換入的銀碼卻是來自於思捷...真係患得患失！思捷今日又升5%，冠捷幾日前跌8%震一震，幾日來又返返高位，呢隻真係黑馬，不過同思捷一樣我渣得唔多，因為呢D都係博死股大反彈，手上最鐘意持股係卡姆丹克太陽能，在週線圖裏成交量大，日線圖也顯示買盤而求很大，加上太陽能股有預期係歐洲需求大，有題材有成交下，我對其很大期望。中國龍工、一拖及廣船未如預期般大升，但走勢又唔係樣衰，就繼續俾時間佢。

早日沽左既信義玻璃，呢兩日大成交，今日終於配合成交量破位，相關類別股如中國聯塑、東岳等都大升7-8%。今日也留意早幾日大成交量爆升的315數碼通，橫向整理左五天，調整時量縮，等待均線升上，這是我喜愛的爆升調整模式，不排除我會度一度搵邊隻來換股，最大機會都可能係工行或人壽。