祝大家龍年行大運

聽日先係年初一，不過先在此同各位講聲新年快樂，並祝大家來年龍年行龍運！龍年賺大錢！早日減持左一半招商銀行，然後換碼至冠捷903，當日想揀2600, 712 or 903，點知前兩隻都大升，隻冠捷呢兩日郁都唔郁，真係濕滯！今次雖然捕捉到升市，但係買入的股並未能好好享受到大市升幅，感到可恨！中海集運一直壓住舊錢，有早知無黑衣，沽左佢買其他股都已經賺返黎，星期五應該要朝早減持創科，將資金換入其他股，不過星期五太忙了，要同BB去覆診，點知又要再去威記抽血，搞到成個下午都唔係度，做唔到任何交易。觀察名單上越來越多股已經彈升，近日又有吉利，而家真係有喜有悲！