2012 新年快樂!!!

踏入2012年，在此同各位講聲新年快樂！！！2012年對我來說將是特別的一年，因為家裏多了一個新成員，相信會帶來很多不同的經驗同體會，寶寶昨晚已經從醫院返屋企了，搞左成個鐘先知做咩寶寶唔肯飲奶，佢係醫院時係全場喊得最大聲同最多的寶寶，又唔肯飲奶要飲奶粉，而家好感恩可以順利飲奶了，而且佢一點半飲完之後仲好乖咁訓到五點半先想飲奶，真係好乖！

早幾日很忙都無時間睇市，但昨日睇新聞，見到歐元終於跌低過Yen！我等左見證呢一刻真係好耐，而家去歐洲仲平過日本！另外仲睇到一樣野係之前無留意的，原來港匯靜悄悄地轉強了很多，已經係7.76-77水平，可能我暫時自己有bias，感覺上下年個市況可能有意外驚喜，首要的是找尋到真正的領先板塊。

669創科實業突破後價升但成交縮減，無預期咁好，繼續睇下。隻316東方海外繼續扯上，2866則突破後出現量縮調節，此股給我的感覺頗良好。