2011年最後一個月

自從無買股後，已經好耐無出文，小朋友就來出世，呢一兩個月休市期正好用來準備迎接小朋友，以前圖書證全部都是借投資書籍，但呢一兩個月已經全面轉營，甚至出動埋老婆仔張圖書證，所借的書全部變成育兒書、坐月書、護理書、食譜等，雖然都有多次想買股，不過無咩目標心水，至終都係忍手唔參與就算。

近日樓市講政府放寬政策，不過曾特首今日都出黎否認，查實而家盤源真是好少，09年借落低息錢買樓的人唔會放，樓價貴左，利息升左，即就算將自住單位放左再買返同一個單位，都要俾多左樓價同供多左錢，既然係咁，市場上根本就唔會有人想放盤，昨日同老婆講過呢個問題，簡單地計一計，最後上網禁下按揭計算機，同我所想一樣，只係沽左現在我地住緊的樓，買返一樣大的樓，每個月就要供多4000蚊！所以邊度會有人放盤，我睇樓價只會繼續係呢個位牛皮，最怕係外圍有大穫野，突然一下子sharp drop，乾跌，咁就麻煩手尾長了~