2010年除夕夜

2010年已經話咁快就完了!!! 先同大家講聲 Happy Ending!!! 不知各位2010年生活過得如何, 但都希望各位有個happy ending吧! 之後就要迎接新一年了! 在此先留個足印, 他日都可以找回, 2009年底恆指為21872, 2010年收市價為23035, 恆指全年升幅為5.32%, 今年要跑贏恆指應為意過借火吧! 不過只是跑贏指數的話就沒甚麼高興, 只可說是基本要求吧! 投資應追求絕對回報已非相對回報, 否則我想只能做個普通的投資者了, 最後一年, 剛好看完一本書, 是葛拉罕的智慧型股票投資人, 書中後記講到投資與投機的區分標準, 其中有一段想和大家分享.

「大多數投機客或許相信其行為有相當的勝算，因此而認為他們享有安全保障。每一位投機客都認為他在有利的時機進場買進，或是他的技巧優於一般群眾，或是他的投資顧問或交易系統值得信賴。事實上，他們只是倚賴主觀的判斷，而沒有任何有利的證據或合理的推理支持。某人將資金下注在他對行情漲跌的觀點，我們非常懷疑這種行為能夠受惠於任何形式安全保障。」

我們經常都會根據自己的主觀感覺去估算後市去向, 在大市眼中, 此為一種賭博, 是沒有安全保障的行為, 大師的意見始終如一, 判斷公司的價值, 若其價格跌低於價值某一安全水平, 則可購入然後靜待其價值反映獲取利潤, 此法需簡單, 不過都投身於股海時, 卻容易經常受市場的情緒影響, 從而影響判斷力, 祝各位來年投資功力更進一步!

中國稀土再發力!

近日中央公佈出年稀土出口配額減少, 中國稀土即時爆上, 昨日升16%, 今日再升4%, 短短兩日已經上到3.7樓上, 不過感覺尚算良好, 無一種太大的後悔感覺, 始終無可能永遠都沽在最高時, 今日睇書時又想起博奕理論, 當中亦有所謂的優勢策略, 這個策略決定不一定是最好的策略, 但顧及全局後, 卻可能是最合適的決定, 股票的買入賣出系統亦應如此, 沒有最好, 但卻有較合適的方法.

2010年投資回顧

今年是老公公正式踏入投資的一年, 個人黎講不太滿意自己的成績, 尚有很多的改善空間, 尤其是資金分配, 出入市策略及心理質素需要很大的改善(俾我講哂^^), 今年沾手的股票有四隻, 173嘉華國際, 597華潤微電子, 633中國全通, 769中國稀土, 現前手上仍有的是前三隻, 中國稀土已於佢從高位跌下來時沽了, 此股沽出策略不好, 賺少很多, 雖然錢是賺不完的, 但往後亦要好好提醒自己. 全通帳面仍有營利, 微電子及嘉華國際與我的買入價很接近, 賺亦賺不多, 蝕亦蝕不多, 我當係平緊手! 三隻股仍會繼續持有, 對於今年的回報率, 我覺得好難計, 個個月都有錢投入, 一有錢入就拉平左個%, 是否應該有一個好些的formula可以計投資回報率呢? 照睇約數, 計埋賺左再投資等約數, 應該暫時都有18%回報, 我自己就覺得跑輸得很多! 下年要繼續努力, 否則要達成目標就越來越遲了!

老曹文章節錄

以下節錄自老曹在2010年12月24日的文章:

中學生投資得宜贏博士
以阿德與阿偉為例，阿德中學畢業後到社會做事，阿偉繼續升學念了兩年預科、四年大學、出國三年後拿了個博士回港到大學教書。阿德則中學畢業後每年將收入中的1萬元用作投資，每年回報只有10％不算出色。
阿偉30歲回港時阿德已有17.5萬多元身家（第一年投資1萬元加回報變成1.1萬元，再投入1萬元第二年變成2.31萬元，第三年再投資1萬元……）。阿偉在大學教書第一年年薪已高達20萬元，其後過着十分舒適生活，假期便去旅遊，屬於月清一族（即每月收入都花掉）。阿德則繼續自己的投資大計。
到40歲時，阿德已有63萬元、阿偉仍是月月清，50歲時阿德有180萬元，阿偉仍是月月清，到65歲兩人都退休，阿德共有870多萬元財富、阿偉仍一無所有……。阿偉讀書較阿德多，過去每月收入亦較阿德多，為何退休時阿德卻成為千萬富翁，阿偉卻一無所有？分別是阿德每年拿收人中1萬元去投資，每年增值10％，此一小小分別，結果可以這麼大。

另一段事跡:
《北京晚報》最近有一名老讀者張先生向報館講述親身經歷。1947年他的父親用400大洋兌成100英鎊，買入滙豐股票存放在英國一家銀行內，六十三年過去，今年他年屆70歲想起父親在臨終前提及此事，於是去信英國那間銀行查詢此事。英國銀行說只要他證實自己同父親的關係，他父親所擁有的股票至今仍保存在該銀行內，目前市值270萬英鎊，約2800萬元人民幣。六十三年滙豐股價共漲了2.7萬倍（或平均每年17.6％）。由此可見複利的威力！

以上兩段文章皆表達一個簡單概念, 持續投資或買入優質增長股, 可為你帶來意想不到的財富! 第一個故事的主人翁每年只投資1萬元, 每月只是833元已可於65歲退休時擁有870萬! 當然只是簡單故事, 並未計及通漲, 而且每年10%也必需複利計算, 可能你會感到世事無咁如意, 不過最後贏到這場比賽的必然是能堅持到最後的人! 2010年就完, 2011年將至, 未開始投資的你, 快快花一點時間計劃一下你的未來吧!

老曹贈你的投資成功十法

以下節錄自老曹2010年12月28日

聖誕節送禮。今天送給大家的格言是：
一、找尋形成上升軌的股份去投資，明白一浪高於一浪的道理，be a momentum trader。
二、行業的成長為企業成長帶來機會，因此在二線股叢中找尋增長股而非把注意力放在大藍籌股身上。
三、價值投資法不是沒用，問題是當整個股市進入偏高時，你是否有慧眼找到值得投資的股份？只有熊市將盡或牛市剛開始之時，價值投資法才有用。
四、你不用成為分析員才有資格分析大市。只要明白投資之道例如「追漲殺跌、止損不止賺」等已足夠；追隨趨勢而非睇走勢；明白賺錢者永遠是少數已足夠。
投資成功十法：
一、趨勢是你的朋友，上升趨勢才是你最好的朋友。一旦上升趨勢完畢，甚至最好朋友亦要分手。
二、做人要勤力但非蠻幹；既要低頭拉車、亦要抬頭看路。
三、牛市中有下跌股份，熊市中有上升股份。
四、不要感情用事，應該理性分析。
五、Keep it Simple，不要將事情複雜化。
六、投資之前先做好功課。如事前不做足功課是最危險的行為。
七、投資你懂的項目，不投資自己不懂的東西。
八、人總要活下去。失敗乃成功之母，成功之後下一步可能就是失敗。因此成功不驕傲、失敗不氣餒。
九、每個投資項目應獨立處理。
十、遠離群眾，不要活在群眾的歡呼聲中。
你的投資回報來自事前研究工夫、事後嚴守紀律而非聽信所謂專家之言。
今天香港投資市場已有太多專家，因此經常產生「羊群心理」；在投資市場贏家卻是餓狼不是羔羊。

不要投資熱門行業中的熱門股，這類股份通常距離見頂日子不遠；只買那些開始上升行業中的非熱爆股。
沒有純利增長支持的企業有如長不大的孩子，只是浪費心機。投資有如養孩子不是愈多愈好，好的孩子一個已經夠晒數。
不要投資純利走下坡的行業，除非你肯定只是周期性低潮。
投資除了需要智慧外更加需要勇氣。
投資者應如僱傭兵──是為錢打仗及永遠站在「戰勝」那方。
「財」字由兩字組成──即「資金」（貝）及「腦袋」（才）。後者往往較前者重要。
投資不是低買高賣而是買入強勢股、拋棄弱勢股。
分析之時着重基礎，買賣之時利用走勢。

了解市場心理，往往較了解經濟更重要。
股價上升之時需耐心，一旦虧損便應速速行動。

隻隻都跌的日子

近日比較多事幹, 所以都無來打幾篇文章, 原來上一篇已經事隔十日, 我自己都覺得好耐了! 近週大指都係不斷下跌居多, 手上的股仔亦無一倖免, 最慘烈的是嘉華國際! 渣左貨半年有多, 到左而家又跌返落買入價! 大大跑輸,由令我心生好想換左佢的感覺了! 雖然少左留意個市, 不過每日看新聞都有留意個港匯, 今日都是7.778x左右, 資金仍未回來, 不過可以預計到時資金再次湧入時又再次激起一個大浪, 到年尾可能個市都仲係悶悶地, 大家都係準備過個愉快聖誕吧!

恆指今週繼續盤整

今個星期恆指都無咩大變化, 成交縮減, 指數上落不大, 只係市場擔心中國加息所以有調整, 查實之前都講過加息無咩好怕, 經濟好先要加息, 每次加息引發的調整先係入市時機, 隻聯塑今週整固下, 由4.3左右一殺就上黎6.2x, 相反今週輪到隻自動化發力, 今年再一次挑戰6.5呢個大關, 自動化已經成年都係度橫行, 近幾日係成交量增加上升, 且看能否繼續突破升上發力. 嘉華繼續弱勢呀! 今日穿跌埋2.9收市, 無陰公! 雖然呢排恆指無咩特別大變動, 都係浮上浮落, 但各位小心為上, 皆因港元越來越弱勢, 已經跌到7.7750水平, 已經係好耐無見過了! 反映資金確實暫時流出, 恐怕今週只係大市繼續向下前的整理, 小心黎緊會繼續向下插!

QE3?

白藍黑早日接受訪問, 佢話有需要時就加碼印印銀紙, 即係玩QE3, 估唔到QE2效果都未見, 老人家就已經出定口術要QE3, 實行死都要谷返生, 不過呢一類印銀紙方法, 玩多幾次就無咩用啦! 老人家都係留低D 彈藥將來用, 唔好咁快用哂佢的武器.  港元近來都仲係弱勢, 雖然恆指回升, 但未無顯注有資金湧返入來香港, 近期亦無好/壞消息, 所以見到好似買賣兩閒, 既然唔郁無野做, 就一靜不如一動, 近日隻嘉華仍然低迷, 兩日都係上衝但守不住, 跌返開市價, 已經係三日收市價差不多一樣了! 這段日子老公公正在閱讀William J. O'Neil本書, 圖勝天下, 感覺到佢寫呢本書發自內心, 真係想教大家如何買中倍升股, 推薦大家都看一看這本書, 獲益良多!

坐這山 望那山

美匯指數週線圖

歐元週線圖

美元呢幾日又腳仔軟, 睇下個週線圖都知, eur守緊條上升軌底部, 美匯就俾條下降軌上線頂住! 金價穿左上1400, 相信仲有一段時間爭持下, 近來股市都入衝上衝落咁, 股份輪流炒, 睇睇隻聯塑就知, 調整位去到4.3左右, 幾個交易日扯到上今日6蚊! 唔怪得人地話牛市咁好賺, 氣氛一好D就輪住黎炒上, 升幅咁多, 想入都疾一疾. 恆指方面個市唔知做緊底定係頭肩頂, 都係五十五十, 無謂估啦, 睇住黎玩就算.

聽返石sir星期六個節目, 有位女士打電話問昆侖能源, 佢話自己10.2買左但10.8就放左, 但已經升到12個幾, 佢好後悔, 又話買左好多係佢阿媽, 但阿媽唔郁, 個仔就郁, 覺得見人地個個賺錢自己就無賺, 好唔甘心, 佢把聲都表達到佢好想係呢隻股到報仇, 或者係唔奮氣, 聽既時候當然覺得佢咁既心態一定唔得, 但同時細心諗返自己又何嘗唔係咁樣, 係兩三隻股中決定買入一隻, 但買完後自己果隻無郁, 其他就開始上升, 第一個感覺就係後悔, 點解無入果隻, 點解入左呢隻唔識升...等等等等, 我相信好多人都會咁樣諗, 最後石sir叫呢位女士唔好做任何野, 唔好因為咁樣而換馬, 因為可能佢一換之後, 阿媽就會升, 之後你又會重覆後悔, 石sir叫佢只係將阿媽的一剖份錢轉去阿仔到, 唔好入新錢, 我將石sir呢返說話解讀為, 策略系統彌補人性的軟弱, 人的心理就是這樣, 坐這山望那山, 就算自己座金山有幾好, 你都會覺得人地果座比自己好, 好想將人地的都擁有, 結果都你走去隔離山時, 你望返轉頭又覺得自己本來左山原來都唔錯, 最後又跑返轉頭, 結果兩頭唔到岸得個吉! 訓練心態重要, 同時間亦要有策略輔助自己, 才能無往而不利.

12月投資組合比例更新

話咁快又到2010年的最後一個月喇, 時間過得真快! 到左月頭, 又係時候更新下自己的持股狀況, 11月做過的動作就係賣出稀土同埋買入微電子:
173 嘉華: 23%
633 全通: 26%
597 微電子: 46%
現金: 5%

暫時持股集中於微電子, 原因係嘉華不再打算增持, 全通同微電子相比, 各有優劣, 全通增長前景亮麗, 值得繼續加碼, 微電子則處於脫離谷底期, 前路尚未完全明朗, 老公公都掙扎左好耐應該加注邊一隻到, 最後選擇左微電子, 因為其價值低估比全通更甚, 因此, 係微電子尚未發力之前, 先霸個好位, 不過睇下今日隻全通升左11%都會有種後悔無入全通的感覺! 此乃機會成本也! 要繼續好好學習, 改善投資績效同心理質素.

老闆決定你命運? 還是你自己?

一條獵狗將兔子趕出了窩, 一直追趕牠, 追了很久的仍沒有追到。牧羊人看到此種情景, 譏笑獵狗說:「你們兩個之間, 小的反而跑得快得多。」獵狗回答:「你不知道我們兩個的跑是完全不同的。我僅僅為了一頓飯而飽, 牠卻是為了性命而跑呀!」這話被獵人聽到了, 獵人想:「獵狗說得對啊! 那我要想得到更多的獵物, 得想個好法子。」於是, 獵人又買來幾條獵狗, 凡是只要能夠在打獵中捉到兔子, 就可以得到幾根骨頭, 捉不到的就沒有飯吃。這一招果然奏效, 獵狗們紛紛去努力追兔子, 因為誰都不願意看著別人有骨頭吃, 自己沒得吃。

過了一段時間, 問題又出現了, 大兔子非常難捉到, 小兔子好捉。但捉到大兔子得到的獎賞和捉到小兔子得到的骨頭差不多, 獵狗們擅於觀察發現了這個竅門, 專門去捉小兔子。慢慢的, 大家都發現了這個竅門。獵人對獵狗說:「最近你們捉的兔子越來越小了, 為甚麼?」獵狗們說:「反正沒有甚麼大小的區別, 為甚麼費那麼大的勁, 去捉那些大的呢?」獵人經過思考後, 決定不將分得骨頭的數量與是否捉到兔子的總重量, 按照重量來評價獵狗, 決定一段時間內的待遇。於是獵狗們捉到兔子的數量和重量都增加了, 獵人很開心。

但是過了一段時間, 獵人發現, 獵狗們捉兔子的數量又少了, 而且越有經驗的獵狗, 捉兔子的數量下降得就越厲害, 於是獵人又去問獵狗。獵狗說:「我們把最好的時間都奉獻給了您, 主人! 但是我們隨著時間的推移會老, 當我們捉不到兔子的時候, 您還會給我們骨頭吃嗎? 我不得不為自己私下儲存一些骨頭啊!」

以下係我今日睇本書講到的一個故事, 很簡單地描述了老闆同打工仔的關係, 獵狗就係打工仔, 為老闆做事搵食, 老闆坐享其成, 打工仔做得越耐越懂得如何走偏門, 同時亦想得到更好的報酬, 亦即希望提升自己的時薪, 老闆不斷諗唔同方法去令到打工仔為自己做更多的工作, 不過最後醒目的獵狗發現自己勞碌一世但得到的卻很少, 決定不再為主人付出了! 故事教導我地要為自己的將來著想, 不要將自己生命賭在別人之上, 老闆只會給予你工資, 但是否富有卻是你自己要負責的事, 有好多人終其一身為左賺錢搵食, 但到最後卻可能發現賺一世也不夠用! 怪誰? 怪老闆? 我相信要負責任的當然是自己吧! 每日抽一點時間學習更多理財投資, 掌握自己命運吧!