12月投資組合比例更新

話咁快又到2010年的最後一個月喇, 時間過得真快! 到左月頭, 又係時候更新下自己的持股狀況, 11月做過的動作就係賣出稀土同埋買入微電子:
173 嘉華: 23%
633 全通: 26%
597 微電子: 46%
現金: 5%

暫時持股集中於微電子, 原因係嘉華不再打算增持, 全通同微電子相比, 各有優劣, 全通增長前景亮麗, 值得繼續加碼, 微電子則處於脫離谷底期, 前路尚未完全明朗, 老公公都掙扎左好耐應該加注邊一隻到, 最後選擇左微電子, 因為其價值低估比全通更甚, 因此, 係微電子尚未發力之前, 先霸個好位, 不過睇下今日隻全通升左11%都會有種後悔無入全通的感覺! 此乃機會成本也! 要繼續好好學習, 改善投資績效同心理質素.