美匯升穿81 中原指數88

美元繼續強力反彈, 執筆時歐元亦跌穿1.30! 大家睇下個圖都知而家對美元好關鍵了, 已經係阻力線, 若果可以升穿, 則仲有一段距離會行, 升市莫估頂, 跌市莫估底, 我都唔估了! 且看美元如何發展, 若果今次會升穿埋呢個阻力位, 相信會再去到86-87, 到時我可能會買返D歐元仔渣下先, 不過呢D都係後話, 到時再算.

有成個月無睇中原指數去到幾多, 上星期26號公佈的指數係88.24, 估唔到陰D陰D又上到黎接近90! 看來100點已經指日可待, 不過慢慢升當然更好更健康, 對大家亦無咁傷!