跌完未?

前日恆指跌到23200附近水平, 昨日爆返上四百幾點, 今日又黎左個V形市, 呢排大上大落, 早個星期先至幾日殺上千幾點, 呢排又用左四日殺返殺千幾點, 每日上落三四百點, 真係刺激過過山車! 呢幾日有一個感受, 就係我轉身得好慢! 無論係沽貨定決定買貨都好慢, 我想這是準備不夠同經驗不足的原因, 正當佢跌咁多之際, 我仲未決定買返邊隻好, 個市昨日彈返上, 張list的幾隻股仔都已經彈左差不多一成, 事後睇返看似錯過了一個撈底位, 不過又估唔到彈得咁快, 另外, 究竟係咪調整完? 定係彈一彈再殺落一浸呢? 呢期真係玩到我的思維都有D混亂! 隻稀土今日已經上返3.7! 雖則我決定左唔會買返佢, 因想買回一些有質素的股, 但將來可能會見到隻稀土繼續上返, 心裏當然不好受, 但我相信呢點係必需接受的事實, 無可能次次俾你買在最低, 沽在最高! 買完就跌, 沽完就升呢種現象, 我相信總會經常見到, 接受吧! 唯一可解決的就係入市同出市策略.