買入華潤微電子

上星期五唔小心禁少左個零買少左微電子, 今日隻野繼續跌, 係更低價買入當然係好啦, 所以今日補返上星期買漏左的股數, 作價0.34係3:56分臨收市前先成交到! 險些又買唔到貨. 今次買貨係動用左之前稀土的本利買入的, 現金所淨不多, 而家微電子已成為持倉量最多的一隻了! 另外, 隻聯塑2128因為俾瑞銀調升目標價, 今日大升16%, 最唔鐘意就係呢D情況, D大行報告一唱好, 就會谷起個股價! 係牛市時就經常有呢種情況發生. 隻嘉華國際此乎今浪已經找到支持點了, 亦守住係上升軌當中, 近日亦慢慢回升. 恆安國際亦重上70蚊樓上. 今日大市升穿返23000點, 不過成交極度不配合, 只係得651億. 繼續有錢就買貨, 無錢就等有錢的做法! 話說陸東近日亦話下年恆指合理值係33000! 若是, 單係指數已經可以較而家有40%-50%回報了! 當歐債危機慢慢過去(歐盟實救D國家), 就係市時焦點再次轉變之時, 美元近排亦非常強勁, 急速反彈, 一日未彈完, 股市一日都未重展反浪!