坐這山 望那山

美匯指數週線圖

歐元週線圖

美元呢幾日又腳仔軟, 睇下個週線圖都知, eur守緊條上升軌底部, 美匯就俾條下降軌上線頂住! 金價穿左上1400, 相信仲有一段時間爭持下, 近來股市都入衝上衝落咁, 股份輪流炒, 睇睇隻聯塑就知, 調整位去到4.3左右, 幾個交易日扯到上今日6蚊! 唔怪得人地話牛市咁好賺, 氣氛一好D就輪住黎炒上, 升幅咁多, 想入都疾一疾. 恆指方面個市唔知做緊底定係頭肩頂, 都係五十五十, 無謂估啦, 睇住黎玩就算.

聽返石sir星期六個節目, 有位女士打電話問昆侖能源, 佢話自己10.2買左但10.8就放左, 但已經升到12個幾, 佢好後悔, 又話買左好多係佢阿媽, 但阿媽唔郁, 個仔就郁, 覺得見人地個個賺錢自己就無賺, 好唔甘心, 佢把聲都表達到佢好想係呢隻股到報仇, 或者係唔奮氣, 聽既時候當然覺得佢咁既心態一定唔得, 但同時細心諗返自己又何嘗唔係咁樣, 係兩三隻股中決定買入一隻, 但買完後自己果隻無郁, 其他就開始上升, 第一個感覺就係後悔, 點解無入果隻, 點解入左呢隻唔識升...等等等等, 我相信好多人都會咁樣諗, 最後石sir叫呢位女士唔好做任何野, 唔好因為咁樣而換馬, 因為可能佢一換之後, 阿媽就會升, 之後你又會重覆後悔, 石sir叫佢只係將阿媽的一剖份錢轉去阿仔到, 唔好入新錢, 我將石sir呢返說話解讀為, 策略系統彌補人性的軟弱, 人的心理就是這樣, 坐這山望那山, 就算自己座金山有幾好, 你都會覺得人地果座比自己好, 好想將人地的都擁有, 結果都你走去隔離山時, 你望返轉頭又覺得自己本來左山原來都唔錯, 最後又跑返轉頭, 結果兩頭唔到岸得個吉! 訓練心態重要, 同時間亦要有策略輔助自己, 才能無往而不利.