恆指今週繼續盤整

今個星期恆指都無咩大變化, 成交縮減, 指數上落不大, 只係市場擔心中國加息所以有調整, 查實之前都講過加息無咩好怕, 經濟好先要加息, 每次加息引發的調整先係入市時機, 隻聯塑今週整固下, 由4.3左右一殺就上黎6.2x, 相反今週輪到隻自動化發力, 今年再一次挑戰6.5呢個大關, 自動化已經成年都係度橫行, 近幾日係成交量增加上升, 且看能否繼續突破升上發力. 嘉華繼續弱勢呀! 今日穿跌埋2.9收市, 無陰公! 雖然呢排恆指無咩特別大變動, 都係浮上浮落, 但各位小心為上, 皆因港元越來越弱勢, 已經跌到7.7750水平, 已經係好耐無見過了! 反映資金確實暫時流出, 恐怕今週只係大市繼續向下前的整理, 小心黎緊會繼續向下插!