憤怒的一天!!!

今日非常憤怒，嬲自己，今日睇住隻旭光升，都想搵資金入，但唔知沽邊隻好，一係思捷一係數碼通，其實手上持股全部都無問題，只係十隻中我要揀一隻黎換，結果臨收午市我揀左思捷，當時因為思捷突然急速下跌，其實我知無咩問題，因為一直都是低量調整，但我上一注入得高左，所以影響回報，便想沽左佢買另一隻，點知中午公佈業績好過預期，一開市急升10%！我已經激到死下死下，我沽在近全日最低位，仲要只要我唔沽等下午先決定，都無事，見到佢15.8左右整固五分鐘到，都有諗過是否追回，因為上次中海集運我都係咁放生左，無即時追回，咁我諗同上次一樣可以等第二日再整固時入，點知隻思捷越升越有！最後成個下午一路扯上去17.78收市！我一路睇住佢升真係唔敢係升緊十幾廿個%時入市！如果我即刻追入，即日都可以有12%回報！唉！我兩個月內放棄左兩隻股王！都係被震倉震走，最慘係今次我知道係震倉，但無諗過佢會咁爆升，而家睇返其實可以有更好選擇，可以沽中國智能交通，我被我入思捷第二注影響了，因為入得太高，所以下跌時對回報影響大，從而影響左我既決斷，實在不夠冷靜，在選擇換碼對象時亦做得不夠好！最後思捷收升25%！我無左最大回報的一段路程，而且仲只要等多十分鐘就可以得到，我應該明知今日出業績就等埋吧，選擇在今日沽出真係好蠢！否則由我第一注買入價位，到今日已可有50%回報！一年可以找到多少這樣的機會呢！真係只可怪自己。

今日見創科今日成交量極大，但下跌很少，守在上升軌上，且下跌暫止於上次浪頂，我認為今日似係有大戶入手，而非沽貨散水，因此冒險一些，沽出在調整的中國智能交通，此股並無問題，日後很大機會會買回，且看今次我看得中創科的表現，還是我中了大戶陷阱！

卡姆冊克、鐵鈦、冠捷、農商、數碼通仍在調整，華耐則配合成交升4%破位，越走越好，勝利管道及珠江鋼管此板塊今日繼續貢獻盈利，分別升7%及6%，兩股也是繼續配合成交向上，不過升勢已經好急，勝利管道買入只係三日已經14%回報，珠江鋼管買入一週已有17%回報，即是出現調整也不為過，不過此板塊買對板的機會確實很大。

中國龍工幸好沽得好，昨日仲見成交上，以為佢會再上，點知今日盈警跌11%，避過一劫，價量互動確實能提供一些線索，之前的升浪缺乏成交量正印證無咩人睇好此股，先前的升勢只係單純跟大市升。今日最唔開心既都係沽出思捷>.<！！！難得咁早已經坐左入去。唯有繼續發掘更多其他股王！