855 中國水務之三

今次要同大家分享既係中國水務份2006-2007中期業績(截至九月三十日)。

營業額
　　　　　2006年3月　　2006年9 月
營業額　　　529萬　　　　617萬
毛利　　　　217萬　　　　336萬
毛利率 　　　41%　　　　　54%
純利　　　　-181萬　　　 349萬

毛利率升到54%，都咪話唔勁！
跟住睇埋純利正常仲勁，如果睇埋過往五年業績，你會發現佢過去五年從未賺過錢，去年中期業績都試過賺少少，但係都唔及今次中期業績係靚，終於有錢賺，佢仲係賺左39倍！中期都咁靚~全年業績都應該無執輸！佢今次中期業績既營業額已經多過去年年度，勁。睇黎係呢半年以黎收購既項目好搵錢。

現金
另外，再望一望會發現佢俾你上年度既現金又多左好多，係我既第一篇講過佢既流動資產/流動負債比率係2.27倍，但係而家已經升到去7.28倍！唔知係咪佢係度配股定係發行左可換股債券，所以咁多錢~不過亦因為呢條數~增加左佢既長期負債，資產/負債比率由36.1%升到49.7%，不過都尚算合理水平~而家中國水務仲係度擴穿緊，呢段時期係需要多d現金，到資產再升值時，負債比率自然下降，而且如果係可換股債券的話，係我認識裏面，應該唔會購成乜野威脅，唔知o岩唔o岩。

總括而言，我覺得中國水務既方向發展都幾好，尤其今年業績應該會幾靚~無論短線定長線都應該係選擇之列。投資呢間野要考慮既係
1)驚擴充過快
2)地區/政府政策轉變，如幾時加水費，加幾多?
3)管理層眼光，如投資係邊度?選擇收購邊間?
4)配股集資風險