不同行業的分析技巧

不同行業各有分析技巧

一、製造業既利潤係原材料加工資，再加生財機器既折舊率；毛利率來自兩者差價（產品售價減原材料及工資）。影響利潤最大係工廠使用率，如60％開工率，工廠肯定蝕本、70％開工率可打和、80％開工率獲利、90％開工率純利急升。

二、零售業既利潤主要係入貨價同零售價之差。工資、舖租係固定成本，即利潤來自產品流轉速度，例如能否大量售出。存貨愈少，利潤愈好。

三、服務業（例如證券行、軟件編寫等）主要由行業盛衰決定。例如港交所（388）去年股價上升一倍，理由係去年證券業興旺，而非港交所職員較2005年勤力一倍。

四、Franchising。主要睇企業對品牌嘅品質及服務控制係咪成功。例如麥當勞就係最成功經營既franchising公司之一。本港唔少上市公司近年內地亦做franchising，但至今成功既企業極少。思捷環球（330）係少數能保持品牌形象既企業之一，但市場係歐洲，一旦品質及形象受損，可連累整個franchising業務；又例如金利來（533）。近年成功既例子有大快活（052），透過將品質及形象重新提升為中產階級服務而令純利大升，股價亦大幅回升。

五、收購合併。至今為止，香港既成功例子主要係銀行業，而其他行業只有利豐（494）等。一次成功既收購，可產生「一加一等於二點五」既效益；反之，一次壞既收購，可以係「木馬屠城記」（即引敵人入自己公司）。