633 中國全通 (2010半年業績)

截至2010年6月尾計, 全通上半年業績增長強勁, 過去半年中全通有幾項業務都值得留意:
1) 衛星通訊應用系統用於上海世博擔任應急安全保障, 全通以往亦經常負責國家重要活動的安全應急項目, 如F1賽車, A1 Moto GP, 08年奧運會, 特奧會, 上海足球賽, 女足世界盃等, 可見公司係呢方面的市場地位, 公司尤係上海地位相信頗高. 這有助於將業務推廣至其他省份
2) 在7月16日大連市發生的輸油管道爆炸及火災, 全通的動中通衛星通信指揮車及河北消防隊的靜中通衛星通信指揮車亦派上用場, 為現場提供一手資訊.
3) 另外, 上半年最大營利增長貢獻應為交通違規處罰電子繳款解決方案, 簡稱警務通(佢所有產品D名都長到記唔到@@!!), 全通03年已經研發呢樣野, 上半年係河北全面應用, 獲得一致好評, 國家交通管理部門的直屬研究所確定呢項產品係全國同領域解決方案的行業標準, 公司計劃係另外兩個沿海大省進行推廣, 相信可繼續為公司帶來增長亮點!

講返份半年結先, 對比去年同期業績大好:
損益表     2009H    2010H
收益            82           129 (增長57%)
毛利            32             53 (增長66%)
毛利率       39%          41%
純利            21             35 (增長67%)
純利率       26%           27%
每股盈利  0.028       0.033 (增長18%)
毛利率維持係40%左右水平, 良好

資產負債表無咩特別, 應付帳款同計自借貸增加, 但半年結通常唔理會住, 等全年結先再睇. 集團現金仍很多, 似乎係未找到點樣用呢舊錢?

現金流量表   2009H      2010H
經營現金流       13            38
投資活動           298         -30
財務活動           -17             6
睇完個現金流量表, 值得留意的是經營現金流半年已經係38, 去年全年都係38! 即係話今年上半年已經可以做到去年全年的現金淨值! 可以預見公司的現金流穩定

                   2009H     2010H
衛星通訊:      48             59 (增長23%)
上海分部佔本業務14%收益. 共有五個市政府部門合計使用全通的七個系統作安全防護任務, 亦刺激另外兩個直轄市北京及天津銷售升約23%及100%!

                             2009H     2010H
無線數據通訊:        31           68 (增長138%)
警務通就屬於呢項服務, 因此錄得可觀增長, 警務通佔本業務92%收益! 可預計是項業務未來增長應為公司帶來好大貢獻! 亦可留意若比較同期, 無線數據通訊的收益亦超過衛星通訊

全通的業務有季節性影響, 其半年報告有講, 因大部份客戶的年度預算於第一季編製並一般決定預算後下半年採購, 所以只係睇上半年, 好難預計下半年咩環境, 只可以睇到方向係點, 但好難由半年結去計算佢全年會增長幾多. 可以看到2009半年每股盈利都係得0.028, 但係到左全年就去到0.117, 相差甚遠, 因此只係睇半年真係頗難計到下半年係咩環境!