穩守突擊

講下近況先~早排美國星期四晚離奇突然暴跌近千點之後回彈!!! 真係咪話唔嚇死人!!!
不過我係呢日大跌前入左貨仔~再入173嘉華國際~入多8000股2.6~ 另外再入769中國稀土12000股1.8~ 暫時係咁多先~ 穩守突擊! 呢排A股繼續尋底~每日跌幾十跌~跌下跌下跌到26XX 點~你都無佢乎! 歐洲又唔多掂~ 港股自然無運行~相信要等到A股尋完底之後先會繼續牛二的上落市格局~而家已經差不多動用了八成幾資金~所以短期都不會再入貨了應該~而且老婆仔工作上有轉變~預計黎緊六月人工唔多~七八月亦唔會有人工~所以我都要係呢幾個月儲定錢過冬!!! (夏天都要過冬@@!!)所以可能已經無咩幾可資金可以再入貨了! 最後少少的一成幾資金~除非有好大信心會有斬獲~否則都應該會留低以備不時之需了!