港股低位回升

自來上次係10600水平彈返上黎之後，近日都挑戰過15000點，估計呢個反彈浪都會維持，跌穿11000應該要等一段長時間才可，呢個時候真係無野好做! 之前自動化係0.49之後彈上，今日又見1.44果個水平，當日無買，而家調轉頭當然覺得可惜啦，不過都無辦法，當時恆指水平仲未係我既吸納範圍下，之後當跌穿11000，自動化已經彈高左，隻股同指數走勢配合唔到，都無辦法啦，只可以繼續耐心等待佢彈返落黎，不過間公司自從上次低位回購推高公司股價之後，就間唔中都買下貨咁，而且中央又成日話加大基建鐵路等等，都減慢左或幫助左自動化既股價上升。

勤+緣下星期就出業績了，且看公司來年發展會否因為經濟因素有所變化，就算佢急升都無辦法，我情願等情況明確之後才出手，唯一而家可以做既都真係得個等字! IT就早排因為業績公佈差俾人狂沽，最低去到0.3x 果d水位，呢隻都已經跌到好慘，不過無辦法啦，零售業首當其衝，不過等到各樣回穩之後，不排除會少量買入，到時值博率應該頗高。

今日匯豐收市88，會否再次跌穿80呢!