老公公的資本運作模式

假若大家有留意, 今日老公公係個blog下面加多左個description
「積極進行資本增值, 努力創造被動收入, 誓要衝出老鼠圈!」
呢句說話代表左老公公暫時的資本運作模式, 暫時的原因係因為每日都在學習, 若有一日有更好的想法, 當然會有所變化啦! 老公公會以股仔作為資本增值的方法, 努力尋找價值股, 賺取倍數的回報, 當增值到某個階段時, 老公公會將賺到的錢用作買樓收租, 目的只有一個, 就係創造被動收入, 亦即唔洗返工都可以繼續有的收入! 收租後的正現金流, 可循環地用於第一步驟買股仔資本增值, 老公公的理想計劃就係周而復始地進行呢個過程, 直至到衝出老鼠圈! 即係被動收入已大過每月開支, 甚或高D的標準就係被動收入大過每月開支的兩倍!

資本增值 --> 買樓收租 --> 正現金流 --> 資本增值 --> 買樓收租 --> 正現金流  (重覆N次)

以前的想法係只要買股票賺錢就可以, 唔需要買樓收租, 因為買股少D野煩, 但經過不斷思想後, 買樓收租是必需的(其實可以係任何獲取現金流的方法即可), 因為若一直買股票, 咁我就要一直繼續返工, 但假若我可以若錢轉成為我不斷提供現金流的資產, 到某一階段, 老公公就可以真正退休! 而往後又可以繼續有錢做投資了! 起步係最困難, 但老公公相信持之而行便可達到真正的財務自由! 日常返工只係我的職業, 努力創造被動收入而達致財務自由先係老公公人生的事業!