恆指新高

恆指由年頭一直進行大型上落市, 到呢幾日係日日升咁向上破, 早日仲過左23000點, 呢兩日係度整固緊, 睇個圖, 恆指已經係頂頂, 應該係時候要回返落黎抖下氣先再上, 咁樣會健康一D, 而且我相信震倉係必需的, 如果唔係大戶點樣最後壓價買貨! 之前買落的一D股仔都有些升幅, 唔知套唔套現一D 先, 不過跟據我自己的心理狀態, 我覺得都係不好了, 因為我而家放左, 唔知自己可唔可以入返市買返貨, 所以我情願渣住批貨, 等調整黎到時再入貨, 保守些少好, 以免壞左自己大事, 我期望係hold住D 貨到牛三先放, 甚或有D可能一直渣住.

update下手上而家有既貨先:
173 嘉華國際, 2010-2011年將會係集團售樓高峰期, 收成期, 隻股仔同恆指升跌好類同!
769 中國稀土, 5月買入, 可惜當時錢唔多, 所以佔組合反而比例最少, 近日真係多得鈎魚台幫我谷左班人黎炒佢
633 中國全通, 價值股, 等待俾人發掘
597 華潤微電子, 轉機股+注資概念股, 我鐘意佢價夠細~~升起上黎好和味~ 有機會再講呢隻股

有隻之前想入但自己心魔作怪最後無買到的係亨泰, 呢隻股放左係手頭上竟然遲左咁多先研究, 搞到自己放棄左係好位入, 只怪自己無勤力做功課! 不得怨天尤人, 只能怪自己! 亨泰若係黎緊既調整有機落返合理位置, 我會購入作為手上第五隻股票

因我有諗過只集中渣五隻股票, 但另一隻好股中國自動化亦都好想入, 到果時我可能會睇下邊隻值博率再買吧! 有時機會成本呢家野真係好難諗!

之前仲有一手坐緊艇的100蚊匯豐, 事後孔明但上左堂教訓, 諗諗下真係蠢左, 若有目標係想入既價位或者其他好股, 唔排除蝕出套現換入其他股仔, 就算佢升返上去100都係打和, 升到120都係20%, 我入返自己D股仔, 我相信升幅都足夠cover哂! 之前蠢左成日都放佢一邊無理會過佢, 其實浪費哂機會成本! 經一事長一智

之前講過會post一D分析講下D股, 不過一直未有動力係度post詳細數字, 但我相信係可見將來, 可以post出黎同大家分享!