恆指升上23852 成交1300億!

今日恆指大舉向上升到23852水平, 成交過1300億! 好耐無見的超大成交, 今日連匯豐都升埋, 收84水平! 有人話當落後的藍籌股都升的時候, 大市已經係進入大升局面, 不過老公公又唔係咁睇喎, 從來都係升市強勢股先行, 弱勢股跟尾, 我覺得連落後藍籌都升, 係一個signal個市升到差唔多要抖一抖! 資金已經周圍炒, 呢兩日連落後的匯豐同中人壽都要炒喇! 而之前強勢的地產股近日都回一回, 所以我覺得當落後藍籌都升, 反而係一個警報要調整, 老公公經驗唔多, 所以都係講下自己睇法, 遲下就知喇! 手上資金唔多, 之前入哂貨, 所以反而覺得自己個心定D, 唔會成日渣住D錢等唔知幾時回調先入果種心態!

今日組合中有隻股票停牌, 係中國稀土! 市傳係先舊後新配股一億股! 較停牌價4.39折讓一成左右, 未知做咩野, 公司未有公佈! 呢D 股炒上要配股供配老公公都預左, 不過誓估唔到會咁快就出現咁解o者! 隻股都係升左兩個月度, 希望消息係正面啦! 皆因仲未賺夠, 睇時間隻稀土應仲未玩完的!

講開組合, 呢輪大市升, 對老公公的組合都無咩大變化, 無話特別受惠, 連我榜上其他觀察股亦都一樣, 可留意的係隻中國全通, 近呢一個星期成交增加不少, 已經上到1.8水平, 若能企穩1.7樓上多於一星期, 可能就黎有好戲睇喇!