選股法則

老公公近來都想整理一下自己的選股法則, 希望可以有系統一些地分析股票, 以及決定咩價可入市, 經過過去對自己有更深入的了解, 看來忠於基本分析決定入市價就入, 捨棄技術分析作入市策略, 而透過入市分注策略可能可以改善我的投資表現, 一切尚在起步階段, 需要不斷的嘗試, 檢討, 然後再嘗試, 期望可以有一套適合我個人的投資方法, 慶幸的是可以係尚算較早期時認識自己的缺點, 可及早作出改善.

前排睇左本書Rule #1, 中譯「有錢人就做這件事 學會巴菲特第一定律」, 係近期我睇關於基本分析一本很好的書, 入面用到的方法同「巴菲特法則實戰分析」接近一樣, 當然, 書名都講明係學巴菲特, 但呢本書整理得相當好. 我的選股模式是使用呢本書所教的方法.

首先, 最好要找尋有高門檻或擁有護城河的公司, 而呢一類公司通常都可以由佢地的營運數字可看到, 依次序為下:
1) 投資資本報酬率ROIC, 亦為股東權益報酬率
2) 淨值成長率
3) 每股盈餘成長率
4) 營收成長率 or 毛利成長率
5) 現金流量
需要查看該公司過往的呢五項數字是否都維持係10%或以上增長率, 並是否呈現一貫性, 要看最近1年, 5年, 10年數字, 若公司有多項未能達到10%以上, 都應該可以放棄了! 現金流量則看是否均呈正數並有所增長即可

除呢五項數字外, 還要看負債情況, 判斷一企業負債是否合理, 可看能否三年內償還:
長期負債總額/當期自由現金流量

假若一間公司的各項數字靚爆, 便可計算買入價為何, 如果大家有睇開巴菲特, 都知佢鐘意講安全邊際margin of safety (MOS), Rule #1作者set 左 MOS=標價的一半

咁跟住講下點樣尋找標價 (作者以買左隻股會渣10年)
1) 目前的每股盈餘
2) 預估未來每股盈餘成長率
3) 預估未來本益比
4) 最低可接受報酬率 (若每年15%, 未來市價的1/4就是目前標價, 同用72法則計有關)
當你計左個標價之後再除一半就會知道買呢隻股票渣10年而每年有15%複息回報的股價係幾多錢! 就係咁簡單, 若你想複息回報高D, 就作出調整照計就得! 下次老公公將會用手上的一D 股票計一計作示範!