散戶心理

大市升左三日又回吐返一日~跌左差不多三百點，成交額唔夠900億，隻化肥昨日由7.35升上7.48，得7600k，又係比往常少，近呢幾日化肥處於貼近技術阻力位，所以大家都係觀望下，買既又唔夠膽買，因為唔知仲會唔會升，呢排我都聽下收音機，留意下d散戶心理，呢一類反彈市，同預期既都係差唔多，之前有蟹貨既都係問下應該點算，有d會問係咪因為沽，有d會問好唔好溝淡佢，個市一黎就成千點上，d人唔夠膽入，見個市陰d陰d幾百點繼續又上，又唔夠膽買，結果個市就一路一路升上去，有趣！恆指已經企左係250天線上面兩日，今日收24311點，而家每日既一升一跌都會牽動住各位股民，究竟恆指仲可以升幾多呢? 我都係繼續維持25000-28000，之前唔相信的人開始半信半疑，分析家亦都個個話望升返26000 跟住再28000，有signal時大家就要醒水，唔好連自己都陷入反彈市迷戀之中，所以都要時刻保持警剔，保本係首要任務，留得青山在，哪怕無柴燒！另外，昨日A股大彈6%，今日恆指跌，A股則繼續升，A股係時候發威反彈了嗎？大家繼續睇下呢場戲點演啦！