好消息出貨!?

昨日港股跌四百幾點, 昨晚美股最多跌過百點, 收跌四十幾點, 但今日港股無跟, 仍係個別發, 最後仲倒升46點收市, 今日亨泰出全年業績, 純利大升96%! 公佈後股價上升但好快調頭倒跌, 跌接近5%, 會否係好消息出貨? 即或係因為佢除左派息1仙外, 仲建議每20股派1股. 即係高層又派紅股攤薄股東股權! 我都唔明點解管理層要咁樣決定, 雖然派得1仙好少, 不過我諗投資係亨泰的股東都係想見到股價上升多於股息收益, 而家派紅股搞到D人有碎股, 莫非迫人買多D貨湊夠紅股足一手?

另外IT今日都公佈業績, 大賺一倍有多, 但股價收市亦倒跌不足1%. 謝瑞麟純利急增2.3培, 但跌近13%. 睇個勢真係似好消息出貨, 或者係散戶覺得調整在即, 有錢賺就拿拿聲走人! 老公公手上持股亦近日下跌, 最唔爭氣既嘉華173又跌到2.91呢D位, 中國稀土昨日跌穿過4蚊最後倒升, 今日就收4.1. 各位朋友快D 儲定彈藥入貨了!