美元反彈 調整開始?

恆指今日跌超過四百點, 收報23164, 美匯早日已開始有反彈, 睇一睇美匯既週線圖同埋歐元週線圖, 似乎都顯示美元見底反彈在即, 是否股市亦跟隨調整呢? 事實上, 若大家有留意美股的話, 會發現近日道指企得好硬, 連升五日, 不過可以睇到恆指並無跟隨, 已經係23000至23800水平橫行左好一段時間, 調整可能隨時或已開始, 唯需留意的是, 雖然美匯轉強, 但港匯並無轉弱! 相反比上星期更強了! 未知是否跟今日係期指結算有關, 若港匯過後轉弱, 大家便要小心了! 老公公亦心痕好想入貨了! 怕遲了買貨, 昨日掛了華潤微電子0.36但入不到, 今日工作關係睇唔到市, 兼且決定都係忍忍手! 隻597最低見0.355, 收市係0.37, 雖有可能炒股唔炒市, 即使大市調整, 細股亦未必跟調, 但既然可能會將有調整出現, 我都係忍下! 等埋下星期聯儲局議息後再作決定吧! 近日老公公亦有另一個諗法, 會否恆指不會出現大規模調整而只係橫行作消化呢? 此形態不能抹除, 總之大家小心吧! 無論如何, 調整有可能會殺到, 上左船的朋友無需擔心呢次風浪, 相反, 若有調整就應把握這機會入貨了!

週元週線圖

美匯週線圖