兔年開市

兔年第一日開市，立即體驗到兔仔的特性，先開出紅盤，升過24000，但之後已經全日下跌，尾市越跌越急，最後更加跌355點，收報23553點，差不多又蒸發了虎年最後一日的升幅！今日的股市走勢就好似兔仔一樣，跳上跳落，亂跳一通！兔年大家要打醒十二分精神，齊齊闖關！

雖然今日股市收跌，但老公公的組合反而有所進帳，嘉華國際173先跟大市跌，但午後已回升，收3.92。中國全通則一日上一日落，今日又跌，收2.48，有時我情願股仔跌少D多過另一隻升。最有驚喜的是華潤微電子597，午後升左7.59%收報0.425，今日是價量齊升，不知是否有人收到消息!?這隻悶股好少可無啦啦一日升咁多的，而且是午後才大成交上的，莫非要發盈喜!?不過無論如何，組合有進帳就高興啦！期望隻中國全通快快上返去再做世界。

唯一感失落的仍是之前沒有買入中國聯塑，實為可惜，近來繼續思考有甚麼好股買，但仍無頭緒，希望早日有靈感。