身後事盡早安排為妙

今晚看新聞講何鴻燊單野，真係好睇過睇戲，有錢人太多老婆太多仔女都係麻煩，又爭權又爭地位又爭錢，賭王年事已高，未死但都當佢透明，一世英明若然輸在最後呢一局，真係枉為賭王！要怪只可怪自己無一早安排自己將來的股權安排，上次中風大病之後，精神狀態已差，還不來乃早安排，今次好明顯俾人整佢一穫啦，你睇封公開信，前文後理鋪排得井井有條，賭王今次無激到再中風，都算執返身彩，寄望佢家人早日和氣收場，要玩都等賭王過左身先啦，成個人仲係度都已經玩到咁大，有時劃出腸都未免劃得太過吧！莫非係因為陳震聰單野死左之後搞唔掂，驚將來同樣事情發生，所以趁人仲在生，先整個局！？

話說睇完單新聞後，我就問內子若然我不在人世的話，佢要點樣做，幸好經我教導良久後，她已經知道應該如何處置資金，首先搬返娘家住，然後將人壽拿到的錢補落而家層樓至剛好可以申請出租即可，剩下的錢再買入一層收租，cover完mortgage的錢必需儲起，然後等候時機再買樓。當然此只為基本概念，實際仲有很多操作方便要留意，我相信我仲未咁快英年早逝吧！所以我會繼續設計好整個計劃，好好安排我自己的身後事！