大快活好唔掂!

昨晚去左大快活食，看看有無改善，因都好耐無食過了，收銀時已經不好，個收銀搞唔掂部機又要找人幫手，我叫左個鐵板餐，都無話外賣，竟然出左張外賣單俾我！好彩我發現得早同佢講轉返堂食，真搞笑！之後鐵板餐來了，但又未俾汽水，個阿姐叫個茶水裝汽水，但又無理喎！搞到我要等，看住個鐵板越黎越無聲氣，返到去倒d汁落去緊係無「渣」一聲啦！食鐵板餐就係為左聽到呢種聲，當然感到失望啦！跟住個喇只音樂又大又嘈喎，坐個位又唔知係咪經理訓練過叫「HELLO位」！個個員工行到去果度都會講聲HELLO，真係好無奈囉！最後我都好少有食得隻燒春雞唔乾淨，內子都問我係咪唔好食，因為我平時食呢類雞會清得好乾淨，話說我同內子都是食同一個餐，但兩個隻雞大小色澤相差勁遠！食過這餐後，雖然都知大快活企圖轉型好耐，不過看來都係有排都未追到美心大家樂的質素！大家唔好買大快活股票呀！