恆指連升7日

2011年開局認真不錯! 由去年至今已經連升7日, 今年會否也是這麼好景?

地產股近日大勇啦, 因為中央似乎又想解一解D規範, 嘉華都跟一跟衝上來, 不過這兩日就已經無力再上了, 但總算上返3蚊樓上, 都算係有返個交代啦! 全通呢幾日亦繼續高位整固, 早幾日搵下資料, 話全通都係車聯網炒作對象? 係咪我做功課唔足, 定係我唔太理解佢業務, 老公公都唔係好覺得佢同車聯網有咩關係, 不過唔理點都好, 如果之前係因為咁而炒上黎, 真係要多謝各位! 近月唯一不太好的就是劉央減持了全通, 雖然不多, 但此訊號也不太好吧! 不過我仍會繼續持股的. 華潤微電子呢幾日又升下上黎, 今日收0.36, 佢一日未向上大突破, 我都唔係點當佢升跌, 你睇下個圖就知佢悶, 上落幾格都唔郁, 不過近日成交大增, 唔知有無人係想郁佢! 令我繼續飲恨的有中國聯塑! 升下升下, 有調整位4.4左右升到昨日接近7蚊! 但係執輸行頭慘過敗家! 只好一聲長嘆! 近日升勢令老公公的投資組合得到整體正數的帳面風光! 算係一個鼓勵, 2011年要更好! 加加油!