匯豐一日升3蚊!?

昨晚去了上堂，先和老婆仔安坐餐廳食過晚飯，講到財經新聞，話匯豐升左3蚊帶動恆指升破2萬4關！聽完之後我呆了一呆，即刻轉過身望下老婆一眼，匯豐一日升3蚊!?我有無聽錯呀?　究竟有幾耐未試過咁勁，內子話咁話好囉，我又停了一秒，然後話，要輪到匯控升，個市係咪見頂喇!?弱勢股大翻身，唔知真定假，不過小心駛得萬年船！

今日恆指繼續升升升！不經不覺已經去到24200點水平樓上，嘉華升左一輪又要抖下啦，中國全通都睇得出佢近來已經無咩力，不過全通都係會繼續持有啦！反而今日睇個組合有驚喜！就係估你唔到的華潤微電子597喇！終於發下力喇，大成交1.46億股，是平時的10倍有多，而且仲係大大力咁突破0.38附近呢個大阻力位，收市在0.395，升11.27%！呢隻股上上落落，真真假假，今日升完聽日可以跌返都得，繼續觀察下佢今輪真定假！若能夠大大力繼續上攻0.4關口，則前途無可限量了！有興趣的朋友可以留意下，畢竟其他半導體股都升左好耐，都仲未升過華潤微電子，今年是否可以否極泰來呢?