樓市未來將由用家主導

各位好！兔年第一次同大家拜年，祝各位兔年旗開得勝！

收到地產傳單，見到同我同一個觀景座向，樓下幾層的單位成交269萬，呢排無咩留意，估唔到已經上到呢個價位，跟住望埋中原數據，呢單亦非個別成交，呎價上到5500-5800呎已經近乎等閒事，97價位已經非常接近。數月前出招後，似乎樓價升得更急，似乎有一個裂口突然升了上來。諗諗下，樓市多項政策之下，似乎已經無回頭路，收租買樓需要最少五成就可，先趕走一班無實力的收租客，之後兩年15%禁售期更令炒家成本大增，又再趕走一班中等實力收租客及短炒客，到而家呢個狀況，留係市場上的只有用家，貨源相信會越來越少，當炒家都出哂貨，盤源就只是來自用家本身，他們可能是等錢洗，可能是想換單位，又可能是笨笨的轉為租樓住，試想當這些盤源慢慢耗盡，供應越來越少，且賣盤也是用家，議價幅度不大，而需求的一方是用家，且是必需要買的用家，因此最後得出結論是供不應求越趨嚴重！去年賣地很多，但最快收成期的都要2013-2015，所以這兩年來，樓市會繼續呈量跌價升格局，97價位並非甚麼阻力，過左咁多年，香港人已經儲到很多錢，今次樓市升浪將會繼續升到你唔信！今次我未有能力參與其中，只有先寄望股市盡快賺取第一桶金，下一次樓市升浪記得要預埋我！