沽出嘉華國際及華潤微電子, 買入周生生及IT

今日不等了，因為各股已經陸續要向上進攻了！今朝最後自我投降，放棄唔吊高個價來放了。嘉華國際3蚊放了，第一注是2010年4月27日2.77買入，第二注是2010年5月11日2.6，扣除手續費及股息後，回報率11.11%。華潤微電子0.385放，第一注2010年10月4日0.34，2010年11月3日0.37，2010年11月26日0.35，2010年11月29日0.34，扣除手續費後，回報率14.74%。兩者都曾經帶來更大的回報，但沒有在高位放或減持導致回報大縮水，只可以怪自己了！

本來等著放出華潤微電子後買入周生生116，此股上週突破，今週仍可趁早追入，但當放出微電子後，此股亦在那一瞬間由24跳到24.3，於是落24.25希望低一格入到，慶幸午市後可以入到！因為之後繼續跳升，收市報24.55。另外入的IT真是慘了！今日公佈業績，預期都好，打算是偷步入市的。升了全日，到了三點幾左右，佢升到6.85，我嘗試掛下6.8，買到就買，買唔到就算，點知突然佢開始向下回落，我都想改低D或先cancel order，可惜已經太遲成交了，之後一直殺落去，最後收市6.33！一日高開低收大陰燭極不利，雖仲守住均線，且看能否力守反彈。到剛才發現火燎森在三點半出左個post話佢減持，估計今日突然由高位急跌返下來，完全是因為火燎森係度沽貨，真係唔知佢有幾多貨，咁樣沽法質到隻股咁低，當然佢三點半出post後亦好有機有其他睇開佢blog的人跟手沽出，人踩人，踩死人，近日有好多股被洗倉，但IT出業績就咁睇落亦無咩問題，且看明天有無人在低位買返佢上去從而改善返股價走勢表現，一買即跌咁多真係慘不忍睹！